Panvel-Karjat Local Train Update: मुंबईकरांसाठी खुशखबर! पनवेल-कर्जत रेल्वे कॉरिडॉर 99 टक्के पूर्ण; जाणून घ्या A to Z माहिती

Panvel-Karjat Local Train Update: पनवेल-कर्जत नवीन उपनगरीय रेल्वे कॉरिडॉरचे सप्टेंबर 2026 अखेर 99 टक्के काम पूर्ण झाले आहे. मुंबई रेल्वे विकास महामंडळाच्या माहितीनुसार, 29.6 किलोमीटर लांबीच्या या दुहेरी रेल्वे मार्गासाठी 2,782 कोटी रुपये मंजूर करण्यात आले आहेत.

• 99% काम पूर्ण
• 29.6 किमीचा दुहेरी मार्ग
• सिग्नल यंत्रणा अंतिम टप्प्यात
• डिसेंबर 2026 चे लक्ष्य

मुंबईकरांसाठी आणि नवी मुंबईकरांसाठी एक भारी बातमी आहे. ज्या पनवेल-कर्जत नवीन लोकल मार्गाची सगळे वाट बघत होते, त्याचे काम आता जवळपास पूर्ण झाले आहे. मुंबई रेल्वे विकास महामंडळाने दिलेल्या माहितीनुसार सप्टेंबर 2026 अखेर या प्रोजेक्टचे 99 टक्के काम संपले आहे. आता फक्त शेवटचा हात फिरवणे बाकी आहे आणि डिसेंबर 2026 पर्यंत हा मार्ग सुरू होणार आहे. Panvel-Karjat Local Train Update:

हा मार्ग एकूण 29.6 किलोमीटरचा आहे आणि डबल लाईनचा आहे. यासाठी सरकारने 2782 कोटी रुपये मंजूर केले आहेत. हा मार्ग सुरू झाला की पनवेल ते कर्जत हा प्रवास खूप सोपा होणार आहे. नवी मुंबई आणि रायगडचा संपर्क एकदम मजबूत होणार आहे.मोठी कामे सगळी संपलीया प्रोजेक्टमध्ये सगळ्यात मोठी कामे म्हणजे पूल आणि बोगदे. ती सगळी कामे आता पूर्ण झाली आहेत.

या मार्गावर 9 मोठे पूल, 35 छोटे पूल, 5 रेल्वे उड्डाणपूल आणि 16 अंडर ब्रिज बांधायचे होते, ते सगळे बांधून झाले आहेत. पनवेल आणि कर्जतला दोन मोठे फ्लायओव्हर पण तयार झाले आहेत.या मार्गावर तीन बोगदे आहेत. तिन्ही बोगद्यांचे खोदकाम पूर्ण झाले आहे. आतमध्ये ट्रॅक टाकण्याचे काम पण झाले आहे. आता फक्त बोगद्यामध्ये लाईट आणि इतर इलेक्ट्रिकची कामे चालू आहेत.

रूळ जोडण्याचे काम जवळपास संपले

रूळ टाकण्याचे काम पण आता शेवटच्या टप्प्यात आहे. एकूण 69.70 किलोमीटरपैकी 68.70 किलोमीटर रूळ जोडून झाले आहेत. खडी टाकणे आणि रूळ फिट करणे पण झाले आहे. पुणे एक्सप्रेस वे च्या खालून जाणाऱ्या पुलातून पण रूळ जोडले गेले आहेत. पनवेल, चौक आणि मोहपे या ठिकाणी पॉइंट आणि ट्रॅक बदलण्याचे अवघड काम पण यशस्वी झाले आहे.

आता दररोज रेल्वेचे तिकीट दर बदलणार? विमानाप्रमाणे होणार यंत्रणा

स्टेशन कशी असणार?

प्रवाशांसाठी स्टेशनची कामे पण जोरात चालू आहेत. नवीन पनवेलचे स्टेशन तर सुरू पण झाले आहे. चिखले आणि मोहपे येथील स्टेशनच्या इमारती पूर्ण तयार आहेत. चौक येथे स्टेशनची बिल्डिंग आणि भुयारी मार्ग तयार झाला आहे. तिथे आता शेड आणि आजूबाजूचे काम चालू आहे. कर्जतला प्लॅटफॉर्म, लिफ्ट, सरकते जिने, जिने यांची कामे शेवटच्या टप्प्यात आहेत. म्हणजे प्रवाशांना चांगल्या सुविधा मिळणार आहेत.

सिग्नलचे काम 95 टक्के झाले

ट्रेन सुरू करण्यासाठी सिग्नल खूप महत्वाचे असते. त्याचे 95 टक्के काम पूर्ण झाले आहे. मोहपे आणि चौक स्टेशनवर इलेक्ट्रॉनिक इंटरलॉकिंगची टेस्टिंग पण झाली आहे. फॅक्टरी टेस्ट आणि साईट टेस्ट दोन्ही पास झाल्या आहेत. दूरसंचार म्हणजे टेलिकॉमची कामे पण चालू आहेत.

Railway Bonus 2026: रेल्वे कर्मचाऱ्यांसाठी आनंदाची बातमी! ७८ दिवसांचा बोनस मंजूर; कोणाला किती पैसे मिळणार? जाणून घ्या…

जमिनीचा प्रश्न संपला

बऱ्याचदा प्रोजेक्ट जमिनीमुळे अडकतात, पण इथे तसे झाले नाही. लागणारी सगळी खाजगी आणि सरकारी जमीन घेतली आहे. वनविभागाची जमीन पण मिळाली आहे. तिथे काम पण पूर्ण झाले आहे. सगळ्या परवानग्या मिळाल्या आहेत.या मार्गाचा फायदा काय?हा मार्ग सुरू झाला की मुंबईच्या लोकल नेटवर्कला एक नवा पर्याय मिळेल.

कर्जतला जायला आता दुसरा मार्ग मिळेल. गर्दी कमी होईल आणि वेळ पण वाचेल. नवी मुंबई, पनवेल, रायगड या भागात घरांचे भाव वाढतील, नवीन नोकऱ्या येतील आणि विकास जोरात होईल. रेल्वे अधिकाऱ्यांनी सांगितले की डिसेंबर 2026 हे टार्गेट आहे आणि त्याच वेळेत ट्रेन धावेल. म्हणजे नवीन वर्षात पनवेल-कर्जत लोकलचा प्रवास आपण करू शकणार आहोत.