गणेशभक्तांसाठी खुशखबर! रात्री १२.३० पर्यंत धावणार मुंबई मेट्रो; १० ते १५ अतिरिक्त फेऱ्या
सध्या संबंधित स्थानकांवरून शेवटची मेट्रो रात्री ११ वाजता सुटते. मात्र गणेशोत्सवाच्या कालावधीत ही वेळ दीड तासाने वाढवण्यात आली आहे. अंधेरी पश्चिम आणि दहिसर पूर्व येथून मार्गिका २अ, गुंदवली आणि काशीगाव येथून मार्गिका ७ व ९ तसेच महाराष्ट्र नगर-मंडाळे आणि चेंबूर येथून मार्गिका २बची शेवटची मेट्रो रात्री १२.३० वाजता सुटणार आहे.
Ganesh Chaturthi 2026: गणपती स्थापनेत कलश का असतो महत्त्वाचा? कलशात ठेवतात या वस्तू
सोमवार ते शुक्रवार मार्गिका २अवर एकूण २९९ फेऱ्या चालवण्यात येतील. यामध्ये १० अतिरिक्त फेऱ्यांचा समावेश आहे. मार्गिका ७ आणि ९वर २९० फेऱ्या चालणार असून त्यापैकी १४ फेऱ्या अतिरिक्त असतील. मार्गिका २बवर १८० फेऱ्यांचे नियोजन करण्यात आले असून १५ अतिरिक्त फेऱ्या असतील.
शनिवारी मार्गिका २अवर १० अतिरिक्त फेऱ्यांसह २४१ फेऱ्या, मार्गिका ७ आणि ९वर १४ अतिरिक्त फेऱ्यांसह २३७ फेऱ्या, तर मार्गिका २बवर १५ अतिरिक्त फेऱ्यांसह १८० फेऱ्या चालवण्यात येणार आहेत.
रविवारी मार्गिका २अवर २२३, मार्गिका ७ आणि ९वर २१९, तर मार्गिका २बवर १८० फेऱ्या चालवण्याचे नियोजन आहे. यामध्ये अनुक्रमे १०, १४ आणि १५ अतिरिक्त फेऱ्यांचा समावेश असेल.
मुंबईत गणेशोत्सवाच्या काळात रात्री उशिरापर्यंत प्रसिद्ध गणेश मंडळांच्या दर्शनासाठी मोठ्या संख्येने भाविक बाहेर पडतात. त्यामुळे रस्त्यांवरील वाहतूक कोंडीसह सार्वजनिक वाहतूक व्यवस्थेवरही मोठा ताण येतो. वाढीव मेट्रो सेवेमुळे भाविकांना रात्री उशिरापर्यंत गणेशोत्सवाचा आनंद घेऊन सार्वजनिक वाहतुकीने घरी परतणे अधिक सोयीचे होणार आहे.
महा मुंबई मेट्रोच्या या विशेष व्यवस्थेमुळे विविध गणेश मंडळे आणि उत्सवस्थळांपर्यंत सुरक्षित व सुरळीत प्रवासाची सुविधा उपलब्ध होईल. सार्वजनिक वाहतुकीचा अधिकाधिक वापर करून यंदाचा गणेशोत्सव वाहतूक कोंडीमुक्त आणि पर्यावरणपूरक पद्धतीने साजरा करण्याचे आवाहनही करण्यात आले आहे.
.png "Videos"){kind=small}
