रविवार, 1 नोव्हेंबर 2026
1 नोव्हेंबरपासून दारूची बाटली महागली ( सौजन्य - सोशल मीडिया )
तामिळनाडूतील दारुप्रेमींसाठी हा नियम आहे. राज्यात १ नोव्हेंबर २०२६ पासून दारूच्या प्रत्येक बाटलीवर १० रुपयांचा नवीन शुल्क लागू केला जात आहे. याचा अर्थ असा की, जर तुम्ही तामिळनाडूमध्ये दारू खरेदी केली, तर तुम्हाला आता पूर्वीपेक्षा जास्त पैसे मोजावे लागतील. याअंतर्गत, इंडियन मेड फॉरेन लिकर (IMFL), बिअर आणि वाईनच्या प्रत्येक किरकोळ खरेदीवर १० रुपयांचा पर्यावरण आणि सामाजिक कल्याण शुल्क आकारला जाईल.
नवीन नियमानुसार, तामिळनाडूतील दारूची दुकाने आणि परवानाधारक दुकानांमध्ये विकल्या जाणाऱ्या IMFL, बिअर आणि वाईनच्या प्रत्येक बाटलीवर १० रुपये अतिरिक्त आकारले जातील. TASMAC ने पुरवठादार आणि स्थानिक दारू उत्पादकांना त्यांच्या किंमती आणि पुरवठा व्यवस्थेमध्ये आवश्यक बदल करण्याचे निर्देश दिले आहेत.
या नवीन प्रणालीमुळे ग्राहकांना काहीसा दिलासाही मिळाला आहे. TASMAC नुसार, ग्राहक रिकाम्या दारूच्या बाटल्या निर्दिष्ट दुकानांमध्ये परत करून १० रुपयांचा परतावा मिळवू शकतील. याचा अर्थ, बाटली परत करण्यासाठी भरलेली अतिरिक्त ठेव परत केली जाईल. तथापि, ग्राहकांना निर्दिष्ट दुकाने आणि परत करण्याच्या प्रक्रियेचे पालन करावे लागेल.
नवीन प्रणाली सुलभ करण्यासाठी, TASMAC ने पुरवठादार आणि घाऊक डेपोंना बाटल्यांवर योग्य QR कोड असलेले किंमतीचे लेबल लावण्याचे निर्देश दिले आहेत. कर्मचाऱ्यांना परवानगीशिवाय अतिरिक्त शुल्क आकारण्याविरुद्ध ताकीदही देण्यात आली आहे. याव्यतिरिक्त, पैशांच्या व्यवहारांवर लक्ष ठेवण्यासाठी पाच प्रादेशिक विभागांमध्ये स्वतंत्र बँक खातीही उघडण्यात आली आहेत.
