'आमच्या नादात लागू नका', मनसे नेते राजू पाटील यांचा भाजप कल्याण जिल्हाध्यक्ष नंदू परब यांना थेट इशारा
परप्रांतीयांच्या मुद्द्यावरून राजकारण करण्याच्या प्रवृत्तीवर टीका करत, “दुसऱ्या पक्षात हे चालत असेल, पण आमच्या पक्षाला याची लागण लागू नये,” असा टोला त्यांनी लगावला. दरम्यान, दिव्यात अनधिकृत रिक्षांचा मुद्दाही राजू पाटील यांनी उपस्थित केला. आमच्या नादी लागू नका; नाहीतर सगळं बाहेर काढू,” असा इशारा त्यांनी दिला आहे. हर्षद पाटील यांच्याबाबत बोलताना राजू पाटील म्हणाले की, “हर्षद पाटील हा फक्त पदाधिकारी नाही, माझा भाऊ आहे.”
नेहरू मैदान कोणाला देण्यात आलं? ते अधिकृत आहे का? सावरकर उद्यानात कार्यालय अधिकृत आहे का? असे सवाल उपस्थित करत राजू पाटील यांनी नंदू परब यांना “पक्षाच्या प्रश्नाला पक्षाच्या पद्धतीने उत्तर द्या; वैयक्तिक बोलाल तर उत्तरही वैयक्तिक येईल,” असा इशारा दिला आहे. आमच्या नादात लागू नका असा थेट इशारा मनसे नेते राजू पाटील यांनी भाजपा जिल्हाध्यक्ष नंदू परब यांना दिला आहे.
‘त्यांच्या व्यासपीठावर बसलेला त्यांचा पदाधिकारी दिना दुबे म्हणजेच दिनेश दुबे माझा चांगला मित्र आहे. हा शुद्ध मराठी बोलतो आणि आगरी पण बोलतो. त्याला आपण आपला मानत नाही का? परंतु परप्रांतीयांमध्ये फूट टाकायची, राजकारण करायचं आणि बाकीच्या गोष्टी करायच्या, हे खेळ बाकीच्या पक्षात होतात, परंतू आपल्या पक्षात त्याची लागण लागता कामा नये. आपल्या पक्षात येतील त्याचं स्वागत आहे, आपल्या पक्षाचे ध्येय धोरण ज्यांना मान्य असतील त्यांचं स्वागत आहे, जो इथे राहतो तो आपला आहे.’, असे राजू पाटील म्हणाले.
‘सिप्ला’वरील बंदी उठवली, MCA चे कॅन्टीन पुन्हा सुरू; तुकाराम मुंढेंच्या कारवाईवर कोर्ट संतप्त
‘आता दिव्यात इतक्या रिक्षा चालू आहेत, त्यांनी बघितलं आहे का अनधिकृत रिक्षा किती आहेत. आमच्या नादाला लागले तर त्याचं सर्व बाहेर काढू’, असा थेट इशारा राजू पाटील यांनी दिला आहे. राजू पाटील म्हणाले की, ‘नंदू परबला माझं सांगणं आहे की हर्षद पाटील हा माझ्या पक्षाचा सहकारी असला तरी तो माझा भाऊ आहे. रवींद्र चव्हाण यांना माझं सांगणं आहे की आवरा हे आता. सकारात्मक राजकारण करा. तुम्ही सत्तेत आहात, तुम्ही काम केली असतील तर तुम्हाला नाही विचारणार तर कोणाला विचारणार.’
.png "Videos"){kind=small}
