Samruddhi Mahamarg: अपघात अन् लुटमारीच्या घटनांनी प्रवास धोकादायक; अत्याधुनिक रुग्णालय आणि स्वतंत्र पोलिस ठाण्याची मागणी

समृद्धी महामार्गावर वाढत्या अपघात आणि लुटमारीच्या घटनांमुळे प्रवाशांच्या सुरक्षेचा प्रश्न गंभीर झाला आहे. अपघातग्रस्तांना तातडीने उपचार मिळावेत, यासाठी अत्याधुनिक रुग्णालयासह स्वतंत्र पोलिस ठाणे आणि नियमित गस्तीची मागणी होत आहे.

• समृद्धी महामार्गावर अपघात आणि लुटमारीच्या घटनांमध्ये वाढ होत असल्याचा दावा
• फुगाळे बोगदा ते भिवंडी दरम्यान अपघातग्रस्तांना तातडीने उपचार मिळण्यात अडचणी
• रात्रीच्या वेळी महामार्गावर नियमित पोलिस गस्त वाढवण्याची मागणी

मुंबई-नागपूर समृद्धी महामार्ग सुरू झाल्यापासून या एक्सप्रेस महामार्गावर दिवसेंदिवस अपघात व लुटमारीच्या घटनात वाढ होत असल्याने, या महामार्गावर प्रवास करून धोक्याचे झाले असल्याचे मत व्यक्त होत आहे. येथील प्रवास सुरक्षित व सुखकर व्हावा यासाठी शासनाने फुगाळे बोगदा ते भिवंडी दरम्यान अपघातग्रस्तांना तात्काळ उपचार मिळून त्यांचे जीव वाचवावेत यासाठी अत्याधुनिक दर्जाचे रुग्णालय होण्याची गरज आहे तर या महामार्गावर दिवसेंदिवस लुटमारीच्या घटना वाढत असल्याने महामार्गालगत स्वतंत्र पोलिस ठाणे असणे गरजेचे असून रात्रीच्या वेळी पोलीस गस्त घालणे गरजेचे आहे. फुगाळे बोगदा ते भिवंडी दरम्यान अपघात झाल्यास जखमींना नजीकच्या दवाखान्यात नेण्यास वेळ लागतो, उपचार न मिळाल्याने उपचाराअभावी जीव गमवावा लागत आहे.

अनेक अपघातांमध्ये ‘गोल्डन अवर’ मध्ये उपचार न मिळाल्याने मृत्यू होत असल्याचे समोर आले आहे. त्यामुळे या अपघात ग्रस्तांना तात्काळ उपचार मिळाल्यास जीव वाचू शकतील यासाठी अत्याधुनिक रुग्णालयाची गरज आहे.

मुंबईत १० टक्के पाणी कपात असताना टँकरला पाणी मिळते कुठून? टँकर लॉबीला कोणाचा आशिर्वाद? अतुल लोंढेंचा सवाल

पोलिस बंदोबस्त नसल्याने टोळ्यांवर अंकुश राहिला नाही

या संपूर्ण पट्ट्यात महामार्ग पोलिस ठाणे व कायमस्वरूपी पोलिस बंदोबस्त नसल्याने रात्रीच्या वेळी लूटमार करणाऱ्या व टोळ्यांवर अंकुश राहिला नाही. वाहन पंचर करणे, दगड टाकून अडवणे आणि लूटमार करणे असे प्रकार सर्रास घडत आहेत. पोलीस गस्त नसल्याने गुन्हेगारांना मोकळे रान मिळाले आहे. असे काही प्रकार झाल्यास कसारा, खर्डी, व शहापूर, वासिंद व पडघा पोलीस ठाण्यात मुंबई-आग्रा महामार्ग ओलांडून यावे लागते त्यात ये-जा करण्यात पोलीस कर्मचारी फिर्यादी यांना अनेक हेलपाटे मारावे लागत असल्याने मनस्ताप सहन करावा लागत आहे.

भिवंडी ते सिन्नर प्रवास जिकरीचा

समृद्धी महामार्गावर एक्सिट ही जवळपास नसल्याने चालक, प्रवाशी व पोलीस पथक हैराण होत असल्याने संताप व्यक्त होत आहे. या समृद्धी महामार्गावर आमने (भिवंडी) ते सिन्नर या १२० किलोमीटरच्या अंतरावर हॉटेल, पेट्रोल पंप, गॅरेज या सह क्रेन, रुग्णालय या गोष्टी उपलब्ध नसल्याने येथील प्रवास जिकरीचा होत असल्याचे मिलिंद देशमुख यांनी सांगितले.

रुग्णालयांची दर सहा महिन्यांनी सुरक्षा तपासणी! आगीचा धोका; अनेक ठिकाणी आढळल्या त्रुटी, अमरावती घटनेनंतर यंत्रणेला जाग

पोलिस येईपर्यंत संशयित निघून जातात

अपघातग्रस्त व काही अनुचित प्रकार घडल्यास पोलिसांनी संपर्क करण्यासाठी ११२ पोलीस मदत केंद्राची मदत घ्यावी लागते पण या स्थानिक पोलिसांना त्याठिकाणी पोहचण्यासाठी शहापूर व इगतपुरी येथून प्रवेश करावा लागत असल्याने बराच वेळ निघून जातो त्या दरम्यान एखादा अनुचित प्रकार घडून संशयित निघून जातात.

(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)