रविवार, 25 ऑक्टोबर 2026
Pratap Sarnaik : एसटी कर्मचाऱ्यांची दिवाळी गोड करण्यासाठी दिवाळीपूर्वी वेतन द्या! परिवहन मंत्र्यांचे एसटी प्रशासनाला निर्देश, सौजन्य : सोशल मीडिया
महाराष्ट्र राज्य मार्ग परिवहन महामंडळातील (ST) सुमारे 83 हजार अधिकारी व कर्मचाऱ्यांची दिवाळी गोड व्हावी, यासाठी नोव्हेंबर महिन्याचे वेतन दिवाळीपूर्वी अदा करण्याच्या दृष्टीने तातडीने कार्यवाही करावी, असे निर्देश परिवहन मंत्री तथा एसटी महामंडळाचे अध्यक्ष प्रताप सरनाईक (Pratap Sarnaik) यांनी एसटी प्रशासनाला दिले आहेत.
एसटी महामंडळातील अधिकारी व कर्मचाऱ्यांचे वेतन दर महिन्याला साधारणतः 7 ते 10 तारखेदरम्यान केले जाते. मात्र, यंदा 6 नोव्हेंबरपासून दिवाळी सणाला सुरुवात होत असल्याने कर्मचाऱ्यांना सणापूर्वीच वेतन मिळणे आवश्यक आहे. दिवाळीच्या सणासाठी कुटुंबीयांसह खरेदी, घरगुती खर्च आणि इतर नियोजन करता यावे, यासाठी कर्मचाऱ्यांच्या हातात वेळेत पगार पडणे महत्त्वाचे आहे. ही बाब लक्षात घेऊन मंत्री सरनाईक यांनी प्रशासनाला वेतनासाठी आवश्यक ती पावले उचलण्याच्या सूचना दिल्या आहेत.
दिवाळीपूर्वी वेतन देण्यासाठी एसटी महामंडळाच्या अर्थ व नियोजन विभागाने तातडीने शासनाकडे पाठपुरावा करावा. कर्मचाऱ्यांच्या वेतनासाठी आवश्यक असलेले अनुदान तसेच मागील महिन्यातील विविध प्रवासी सवलत योजनांच्या प्रतिपूर्तीपोटी शासनाकडून मिळणारी प्रलंबित रक्कम वेळेत उपलब्ध होण्यासाठी विशेष प्रयत्न करावेत, असेही निर्देश देण्यात आले आहेत.
महापौर निवासस्थानी तिरंगा अन् भगवा ध्वज कायमस्वरूपी लावा; नगरसेवक सुनील पांडे यांची मागणी
एसटी महामंडळाच्या आर्थिक अडचणींमुळे कर्मचाऱ्यांच्या सणाच्या आनंदावर विरजण पडू नये, यासाठी प्रशासनाने या विषयाला सर्वोच्च प्राधान्य द्यावे. शासनाकडून आवश्यक निधी उपलब्ध होण्यासाठी समन्वय साधून वेतन वितरणाचे नियोजन करावे आणि दिवाळीपूर्वी कर्मचाऱ्यांना पगार मिळेल, या दृष्टीने दक्षता घ्यावी, असे सरनाईक यांनी स्पष्ट केले. दरम्यान, परिवहन मंत्र्यांच्या या निर्णयानंतर एसटी कर्मचाऱ्यांना काही प्रमाणात का होईना, दिलासा मिळाला आहे.
आता एसटीचे अर्थ व नियोजन विभाग कशाप्रकारे यावर कार्य करतो ते पाहणे उत्सुकतेचे असणार आहे. कारण त्यांच्याच मंत्रालयाशी समन्वयामुळे एसटी कर्मचाऱ्यांची दिवाळी गोड होणार आहे.
Nagpur Crime : पोलिसांनी उधळला कट ;३ कोटींच्या खंडणीसाठी संचालकाला खोट्या गुन्ह्यात अडकिवण्याचा डाव
Ans: एसटी कर्मचाऱ्यांना दिवाळीपूर्वी नोव्हेंबरचे वेतन देण्यासाठी परिवहन मंत्री प्रताप सरनाईक यांनी प्रशासनाला तातडीने कार्यवाही करण्याचे निर्देश दिले आहेत. मात्र, वेतन जमा होण्याची निश्चित तारीख जाहीर झालेली नाही.
Ans: एसटी महामंडळातील सुमारे 83 हजार अधिकारी आणि कर्मचाऱ्यांना याचा लाभ होण्याची अपेक्षा आहे.
Ans: शासनाकडून मिळणारे आवश्यक अनुदान आणि प्रवासी सवलत योजनांच्या प्रतिपूर्तीपोटी प्रलंबित असलेली रक्कम वेळेत उपलब्ध करून घेण्यासाठी पाठपुरावा करण्याच्या सूचना देण्यात आल्या आहेत.
