मुंबई : अंधेरी पूर्व मतदारसंघाचे (Andheri East Assembly) शिवसेनेचे आमदार रमेश लटके (Ramesh Latke) यांचे निधन झाल्यानंतर पोटनिवडणूक जाहीर झाली आहे. या निवडणुकीमुळे शिवसेनेतील ठाकरे गट आणि शिंदे पुन्हा एकदा आमनेसामने आलेत. ठाकरे गटाकडून रमेश लटके यांच्या पत्नी ऋतुजा लटके (Rutuja Latke) यांना उमेदवारी जाहीर झाली असली तरी, अद्याप त्यांच्या राजीनामा (Resign) मंजूर झालेला नाही. त्यामुळं शिवसेनेनं याविरोधात न्यायालयाचे (court) दार ठोठावले आहे.
[read_also content=”ऋतुजा लटके यांचा राजीनामा नियमाला धरुन नाही, कोर्टात पालिकेच्या वकिलांचा युक्तीवाद https://www.navarashtra.com/maharashtra/resignation-of-rituja-latke-is-not-according-to-the-rules-bmc-lawyers-335782.html”]
दरम्यान, ठाकरे गटानं याचिका दाखल केली आहे, यावर सुनावणी पार पडताना दोन्ही बाजूनी अनेक युक्तीवाद करण्यात आले. पालिकेच्या वकीलांनी (bmc lawyer) राजीनामा नियमांना धरुन नसल्याचं म्हटलं आहे. पण अखेर लटकेंना न्यायालयाने दिलासा देत, उद्या सकाळी ११ वाजेपर्यंत लटकेंचा राजीनामा मंजूर करा, असं न्यायालयाचे पालिकेला आदेश दिले आहेत. तसेच राजीनामा स्वीकारल्याचं उद्या सकाळी ११ वाजेपर्यंत राजीनाम्याचे पत्र द्या, असं न्यायालयाने पालिकेला आदेश दिले आहेत. न्यायालयाच्या या निर्णयामुळं लटके तसेच ठाकरे गटाला दिलासा मिळाला असून, ठाकरे गटाकडून या निर्णयाचे स्वागत करण्यात येत असून, आनंद व्यक्त करण्यात येत आहे. तसेच लटके यांचा निवडणूक लढण्याचा मार्ग मोकळा झाला आहे.
.png "Videos"){kind=small}
