Nagpur News : क्लोरीन वायू गळतीने पुन्हा उडाला थरकाप ;गोधनीनंतर शंकरपूर परिसरातील घटना

Nagpur News : नागपुरात क्लोरीन वायू गळतीची आणखी एक घटना समोर आली आहे. गोधनीनंतर आता शंकरपूर परिसरात क्लोरीन वायू गळती झाल्याने नागरिकांमध्ये भीतीचे वातावरण निर्माण झाले. घटनेची माहिती मिळताच संबंधित यंत्रणांनी घटनास्थळी धाव घेत परिस्थिती नियंत्रणात आणण्यासाठी उपाययोजना सुरू केल्या.

• अग्निशामक दलाने सिलेंडर केला बंद

Nagpur News :
जीवन प्राधिकरणाच्या जलशुद्धीकरण केंद्रात क्लोरीन वायूची बारिक गळती झाल्याने शंकरपूर परिसरात काही काळ खळबळ उडाली. गोधनी येथील जलशुद्धीकरण केंद्रातील गॅस गळतीची घटना ताजी असताना शंकरपूरमध्येही अशीच घटना घडल्याने जलशुद्धीकरण केंद्रातील तांत्रिक सुरक्षेचा प्रश्न ऐरणीवर आला आहे. ग्रामपंचायत कर्मचाऱ्याच्या सतर्कतेमुळे गळती लक्षात आली आणि सिलिंडर बंद केल्याने क्लोरीन वायू मोठ्या प्रमाणात हवेत मिसळण्याचा धोका टळला.

शंकरपूर ग्रामपंचायतीच्या हद्दीत महाराष्ट्र जीवन प्राधिकरणाचे जलशुद्धीकरण केंद्र आहे. येथे प्रक्रिया केलेले पाणी दोन जलकुंभांद्वारे नागरिकांच्या घरापर्यंत पोहोचवले जाते. केंद्रात क्लोरीन वायूचे दोन सिलिंडर ठेवले होते. त्यापैकी एक वापरात तर दुसरा राखीव होता. गुरुवारी वापरातील सिलिंडर रिकामा झाल्यानंतर राखीव सिलिंडर जोडला.

Nagpur News : ११५ नागपूरकर नेपाळमध्ये ;मायदेशी निघाले पण बॅक टू काठमांडू

मात्र, काही तासांनंतर सिलिंडरमधून अतिशय बारिक प्रमाणात क्लोरीन वायू गळती सुरू झाली. गोधनी येथील घटनेच्या पार्श्वभूमीवर ग्रामपंचायत कर्मचारी आधीपासूनच सतर्क होते. घटनेची माहिती तातडीने बेलतरोडी पोलिस आणि अग्निशमन विभागाला दिली. अग्निशमन दलाचे जवान घटनास्थळी पोहोचले. बेलतरोडीचे वरिष्ठ पोलिस निरीक्षक रितेश अहेर आणि डीबी पथकानेही घटनास्थळी धाव घेतली.

Nagpur News : महिंद्राच्या गेटवर कामगारांचा ठिय्या ; उद्योग मंत्र्यांचा हस्तक्षेप

अग्निशमन जवानांनी खबरदारी घेत गळती होत असलेला सिलिंडर बंद केला. सलग दोन जलशुद्धीकरण केंद्रांमध्ये क्लोरीन गळतीच्या घटना समोर आल्याने संबंधित केंद्रांमधील सिलिंडर, व्हॉल्व्ह, जोडणी व्यवस्था आणि सुरक्षेच्या उपाययोजनांची तपासणी करण्याची गरज निर्माण झाली आहे .