शुक्रवार, 16 ऑक्टोबर 2026
फोटो सौजन्य सोशल मिडिया
Mumbai-Agra Highway : मुंबई- आग्रा महामार्गावर ( NH-3) चांदवड तालुक्यातील राहुड घाटात अपघाताचे सत्र सुरूच आहे. राहुड घाट हा तीव्र उतार आणि वळणांमुळे या ठिकाणी वारंवार अपघात होत असतात त्यामुळे या घाटात ‘मृत्यूचा सापळा’ ठरणारा घाट म्हणून ओळखला जात आहे.
या अपघातांना आळा घालण्यासाठी कायमस्वरूपी सुरक्षा उपाययोजना करण्याची मागणी नागरिकांकडून केली जात आहे. उमराणे प्रेस क्लब आणि नागरिकांच्या वतीने चांदवड टोल प्रशासनाला निवेदन देण्यात आले होते. तसेच रस्ता रोको आंदोलनाचा इशाराही देण्यात आला होता.
राहुड घाट हा अपघातांचा धोकादायक घाट बनला आहे. या घाटात वारंवार अपघात होत असतात; या घाटात होणाऱ्या अपघातांमध्ये अनेकांनी आपला जीव गमवलेला आहे. अपघातांची ही मालिका थांबवण्याची गरज आहे. थांबण्याचे नाव घेत नाही. या मुळे नागरिकांमध्ये आता तीव्र संताप व्यक्त होत आहे.
राहुड घाटात ठिकठिकाणी स्पीड ब्रेकर, सीसीटीव्ही कॅमेरे, रिफ्लेक्टर, दिशादर्शक फलक आणि सुरक्षा कठडे बांधण्यात यावी अशी मागणी करण्यात आली आहे. तसेच घाटातून अवघड परिस्थितीत प्रवास करणाऱ्या वाहनांवर कडक नियंत्रण ठेवावे व रस्त्याची तांत्रिक पाहणी करून कायमस्वरूपी सुरक्षा आराखडा तयार करणे, अशा मागण्या करण्यात आल्या आहेत.
चांदवड टोल व्यवस्थापक आणि पोलीस निरीक्षक अभिजीत सोनवणे यांनी राहुड घाटाची पाहणी केली. पाहणीदरम्यान घाटातील कोणत्या ठिकाणी अपघाताचा धोका अधिक आहे, कोणत्या भागात वाहनांचा वेग नियंत्रित करण्याची गरज आहे, तसेच अपघात झाल्यास तातडीने मदत कशी उपलब्ध करून देता येईल याबाबत पाहणी केली
जे मेजर घ्यायचे आहे; ते आपण घेतले आहे. काही ठिकाणी आपण बोर्ड वाढवणार आहोत. स्पिड बेकर्सची हाईट काही ठिकाणी कमी झाली आहे. ती आपण पूर्ण करणार आहोत. त्याच बरोबर राहुड घाटा मध्ये जास्त अपघाताचे प्रमाण हे हॅवी ट्रक्स आहेत. यावर आपण कॅपेन करणार आहोत असे चांदवड टोल व्यवस्थापकांनी म्हटले आहे.
तहसीलदार अधिकाऱ्यांसोबत चर्चा करण्यात आली, आणि अपघाताचे प्रमाण कसे कमी करता येतील यावर लक्ष केंद्रीत करावे लागेल. या मध्ये स्थानिकांनी दिलेल्या सुचनेचा विचार करण्यात येईल असे पोलीस निरीक्षक अभिजीत सोनवणे यांनी सांगितले आहे.
Crime News: नशा करताना वाद; मित्राच्या डोक्यात सिमेंटचा गट्टू घालून खून, आरोपी स्वतःच पोलिसांत हजर
