पाचशे रुपयांची ऑनलाईन खरेदी केली पण हीच खरेदी 1.18 लाखांना पडली; गुगलवरून ‘तो’ नंबर शोधणं पडलं महागात

स्नॅपडिल अॅपवरून पाचशे रुपयांचे कपडे ऑनलाईन मागविले. ते पसंत न पडल्याने परत करण्यासाठी कस्टमर केअरशी संपर्क केला. हीच संधी साधून अज्ञात आरोपीने त्यांच्या, त्यांची आई आणि बहिणीच्या खात्यातून 1 लाख 18 हजार 495 रुपये आपल्या खात्यात वळविले. ही घटना शहरात घडली.

Follow Us:

Follow Us:

गोंदिया : स्नॅपडिल अॅपवरून पाचशे रुपयांचे कपडे ऑनलाईन मागविले. ते पसंत न पडल्याने परत करण्यासाठी कस्टमर केअरशी संपर्क केला. हीच संधी साधून अज्ञात आरोपीने त्यांच्या, त्यांची आई आणि बहिणीच्या खात्यातून 1 लाख 18 हजार 495 रुपये आपल्या खात्यात वळविले. ही घटना शहरात घडली.

संतोष नरेंद्रसिंग प्रमर (वय 62, रा. रेलटोली) असे फसवणूक झालेल्या व्यक्तीचे नाव आहे. शहरातील रेलटोली परिसरातील संतोष नरेंद्रसिंग प्रमर यांनी 25 डिसेंबर 2023 रोजी स्नॅप डिल अॅपद्वारे पाचशे रुपये किमतीचे कपडे मागविले. ते कपडे घरी पोहोचले असता त्यांना आवडले नाही. त्यामुळे खरेदी केलेले कपडे परत करण्यासाठी 27 डिसेंबरला त्यांनी आपल्या मोबाईलवरून गुगलवर स्नॅप डिल कंपनीचा कस्टमर केअर क्रमांक शोधला. त्या क्रमांकावर संपर्क केला, मात्र, बोलणे झाले नाही.

28 डिसेंबरला त्यांना सकाळी एका अनोळखी क्रमांकावरून फोन आला. समोरच्या व्यक्तीने कस्टमर केअरवरून बोलत असून आपली तक्रार आमच्याकडे आली आहे. तुम्हाला कपडे पसंत नाही, त्यामुळे तुमचे पैसे आम्ही परत करणार आहोत, असे सांगून एक रिमोट आयडी दिली.

त्या आयडीच्या साहाय्याने अज्ञात आरोपीने संतोष प्रमर यांच्या आईच्या बँक ऑफ बडोदा बँकेच्या खात्यातून 72 हजार 998 रुपये, भारतीय स्टेट बँकेच्या खात्यातून 20 हजार 501 रुपये आणि त्यांच्या बहिणीच्या स्टेट बँकेच्या खात्यातून 24 हजार 996 रुपये असे एकूण 1 लाख 18 हजार 495 रुपये आपल्या खात्यात वळते केले.

Web Title: Online fraud of rs1 lakh with one man incident in gondia nrka

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com