आमची निष्ठा उद्धव बाळासाहेब ठाकरे यांच्याशी, ऋतुजा लटके यांची पहिली प्रतिक्रिया समोर

आमची निष्ठा फक्त शिवसेना, उद्धव बाळासाहेब ठाकरे यांच्यासोबत आहेत. शिवसेनेनं आम्हाला मोठं केलं आहे. नाव दिलं, पद, प्रतिष्ठा दिलं आहे, त्यामुळं आम्ही शिवसेना व माननीय उद्धव साहेबांशी कधीही गद्दारी करणार नाही. आमची कायम निष्ठा शिवसेना व उद्धव बाळासाहेब ठाकरे यांच्यासोबत आहे.

मुंबई : अंधेरी पूर्व मतदारसंघाचे (Andheri East Assembly) शिवसेनेचे आमदार रमेश लटके (Ramesh Latke) यांचे निधन झाल्यानंतर पोटनिवडणूक जाहीर झाली आहे. या निवडणुकीमुळे शिवसेनेतील ठाकरे गट आणि शिंदे पुन्हा एकदा आमनेसामने आलेत. ठाकरे गटाकडून रमेश लटके यांच्या पत्नी ऋतुजा लटके (Rutuja Latke) यांना उमेदवारी जाहीर झाली असली तरी, अद्याप त्यांच्या राजीनामा (Resign) मंजूर झालेला नाही. त्यामुळं शिवसेनेनं याविरोधात न्यायालयाचे दार ठोठावले आहे. ठाकरे गटानं याचिका दाखल केली आहे, यावर उद्या सुनावणी पार पडणार आहे. दरम्यान, ऋतुजा लटके (Rutuja Latke) यांचा राजीनामा लटकणार असल्याचं बोललं जात आहे.

[read_also content=”उद्योजकांच्या विकासासाठी राज्य व केंद्र शासनाकडे पाठपुरावा करणार – चंद्रकांत साळुंखे https://www.navarashtra.com/maharashtra/follow-up-with-the-state-and-central-government-for-business-development-335503.html”]

दरम्यान, ऋतुजा लटके व मुख्यमंत्री यांच्यात गुप्त भेट झाल्याची चर्चा होत असताना, यावर ऋतुजा लटके यांची पहिली प्रतिक्रिया समोर आली आहे. आमची निष्ठा फक्त शिवसेना, उद्धव बाळासाहेब ठाकरे यांच्यासोबत आहेत. शिवसेनेनं आम्हाला मोठं केलं आहे. नाव दिलं, पद, प्रतिष्ठा दिलं आहे, त्यामुळं आम्ही शिवसेना व माननीय उद्धव साहेबांशी कधीही गद्दारी करणार नाही. आमची कायम निष्ठा शिवसेना व उद्धव बाळासाहेब ठाकरे यांच्यासोबत असेल, असं रमेश लटके यांच्या पत्नी व उमेदवार ऋतुजा लटके यांनी म्हटलं आहे.