Palghar News : डहाणूतील चिमुरडीवर अत्याचार अन् हत्येप्रकरणी ऐतिहासिक निकाल! आरोपीला मरेपर्यंत फाशीची शिक्षा

Palghar News : पालघर जिल्ह्यातील डहाणू तालुक्याला हादरवून सोडणाऱ्या आठ वर्षीय चिमुरडीवरील लैंगिक अत्याचार आणि निर्घृण हत्या प्रकरणात पालघर अप्पर जिल्हा व सत्र न्यायालयाने ऐतिहासिक निकाल दिला आहे.

• बलात्काऱ्याला मरेपर्यंत फाशी
• डहाणूतील अत्याचार अन् हत्येप्रकरण
• खूनप्रकरणी ऐतिहासिक निकाल

Palghar News : पालघरच्या डहाणू तालुक्यातील रानशेत-वांगडपाडा येथे २०२१ मध्ये आठ वर्षीय चिमुरडीवर लैंगिक अत्याचार करून तिची निघृण हत्या केली गेली होती. या प्रकरणी आरोपी प्रमुल ऊर्फ प्रफुल रत्ना घोषे (वय ५० वर्षे) याला पालघर येथील अपर जिल्हा व सत्र न्यायालयाने ऐतिहासिक निर्णय देत शिक्षा सुनावली आहे. यावेळी न्यायालयाने म्हटलंय की त्याला मरेपर्यंत फाशीची शिक्षा द्यावी. आरोपीला ७५ हजार रुपयांचा दंडही ठोठावण्यात आला आहे.

Vasai Tatli Andolan : ‘ताटली’ आंदोलनाला यश! शासनाने घेतली दखल; जिल्हा परिषद शाळांमध्ये पोषण आहार पुन्हा सुरू

अतिशय क्रूरपणे घेतला होता बळी

२७ सप्टेंबर २०२१ रोजी रानशेत-वांगडपाडा येथील टाकीजवळील झाडाझुडपांच्या परिसरात आरोपी प्रमुल ऊर्फ प्रफुल घोष याने आठ वर्षीय मुलीवर आरोपीने लैंगिक अत्याचार केला. त्यानंतर कोयत्याने तिच्या डोक्याच्या मागील बाजूस, मानेवर आणि तोंडावर वार करून तिची हत्या केली. मुलीला वाचवण्यासाठी घटनास्थळी गेलेल्या फिर्यादीवरही आरोपीने जीवघेणा हल्ला करण्याचा प्रयत्न केला होता. या घटनेने संपूर्ण डहाणू तालुका हादरला होता.

यामुळे गुन्हा झाला सिद्ध

डहाणू पोलिस ठाण्यात गुन्हा क्रमांक १८९/२०२१ दाखल करण्यात आला होता. पॉक्सोसह विविध कलमांन्वये गुन्हा नोंदवून तत्कालीन बोईसर विभागाचे उपविभागीय पोलिस अधिकारी नित्यानंद झा यांनी तपास केला. सरकार पक्षाने न्यायालयात २४ साक्षीदार तपासले. उपलब्ध पुरावे, साक्षीदारांचे जबाब आणि तपासातन निष्पन्न झालेल्या तथ्यांच्याआधारे आरोपीचा गुन्हा सिद्ध झाला.

आरोपीला मरेपर्यंत फाशीची शिक्षा

अपर जिल्हा व सत्र न्यायालय, पालघर-१चे न्यायाधीश ए. आर. रहाणे यांनी आरोपीला मरेपर्यंत फाशीची शिक्षा सुनावली. तसेच ७५ हजार रुपये दंडही ठोठावला. दंडाची रक्कम न भरल्यास एक वर्ष सहा महिन्यांचा साधा कारावास भोगावा लागणार आहे. विशेष सरकारी वकील रेखा हिवराळे यांनी सरकार पक्षाची बाजू मांडली.

साक्षीदारांच्या साक्षी ठरल्या महत्वाच्या

या तपास अधिकाऱ्यांनी संकलित केलेले पुरावे आणि सरकार पक्षाने तपासलेल्या २४ साक्षीदारांच्या साक्षी खटल्यात महत्त्वपूर्ण ठरल्या.
तपासी अधिकारी नित्यानंद झा, कोर्ट पैरवी महिला पोलीस उपनिरीक्षक विद्या नरेश बोरे आणि श्रेणी पोलीस उपनिरीक्षक संजय गावड यांनी न्यायालयीन पाहिले.

Palghar Flood Relief : पालघरमधील पूरग्रस्तांना मोठा दिलासा! राज्य सरकारकडून विशेष मदतीची घोषणा; बँक खात्यात जमा होणार पैसे