स्वच्छ हवा निधीतील ६६ टक्के खर्च, तरीही पुण्यात प्रदूषण कायम
‘प्राण’ संकेतस्थळावरील आकडेवारी आणि माहिती अधिकारातून मिळालेल्या माहितीनुसार, निधीतून रस्ते सुधारणा, सार्वजनिक वाहतूक, कचरा व्यवस्थापन आणि अंत्यसंस्कार सुविधांवर खर्च करण्यात आला आहे. रस्त्यांवरील धूळ कमी करण्यासाठी दोन यांत्रिक सफाई यंत्रे आणि १९ पाण्याचे फवारे वापरण्यात येत आहेत. तसेच, ३६ नवीन विद्युत बस आणि ६५ चार्जिंग केंद्रे उभारण्यात आली आहेत.
मात्र, बांधकामे, रस्ते रुंदीकरण, मेट्रोची कामे आणि वाढते शहरीकरण यांमुळे धुळीचे प्रदूषण कायम आहे. त्यामुळे निधी खर्च करण्याबरोबरच उपाययोजनांचा प्रत्यक्ष परिणाम तपासणे आणि प्रदूषणाच्या मूळ स्रोतांवर नियंत्रण आणणे आवश्यक असल्याचे तज्ज्ञांनी म्हटले आहे.
२०१९-२० – ८१
२०२०-२१ – ६९
२०२१-२२ – ८५
२०२२-२३ – ९६
२०२३-२४ – ९८
२०२४-२५ – ९६
२०२५-२६ – १०१
‘केवळ यंत्रसामग्री खरेदी केली किंवा वापरात आणली म्हणून उपाययोजना यशस्वी ठरत नाहीत. रस्त्यांची स्वच्छता, धुळीचे संकलन आणि प्रदूषणात झालेली घट यांचे मूल्यमापन झाले पाहिजे. प्रदूषणाच्या मूळ स्रोतांवर उपाययोजनांना प्राधान्य देणे आवश्यक आहे.’
– शर्मिला देव, सदस्य, पुणे एअर ॲक्शन हब
‘मेट्रोची कामे, रस्ते रुंदीकरण, बांधकामे आणि शहरी विस्तारामुळे धुळीचे प्रदूषण वाढत आहे. पाण्याचे फवारे आणि यांत्रिक सफाई यंत्रे वापरूनही पीएम १० चे प्रमाण कमी होत नसल्याने या उपाययोजनांचे पुनर्मूल्यांकन करणे आवश्यक आहे.’
– डॉ. राकेश कुमार, अध्यक्ष, सोसायटी फॉर इंडोअर एन्व्हायर्नमेंट
.png "Videos"){kind=small}
