शुक्रवार, 23 ऑक्टोबर 2026
पुण्यात पदवीधर, शिक्षक मतदारांचा उत्साह; मतदानासाठी केंद्रांवर गर्दी
पुणे हे राज्यातील प्रमुख शैक्षणिक केंद्र असल्याने या निवडणुकीकडे विशेष लक्ष लागले आहे. शहरातील विविध क्षेत्रांत कार्यरत असलेले पदवीधर, नोकरदार आणि शिक्षक मतदान प्रक्रियेत सहभागी होत आहेत. बेरोजगारी, स्पर्धा परीक्षांची तयारी करणाऱ्या विद्यार्थ्यांच्या अडचणी, उच्चशिक्षित तरुणांना रोजगाराच्या संधी, तसेच शिक्षकांचे सेवाविषयक प्रश्न हे मुद्दे मतदारांसाठी महत्त्वाचे ठरत आहेत.
Chitra Mandai Pune: पुण्यात पहिल्यांदाच रंगणार ‘चित्र मंडई’; ३० ऑक्टोबरपर्यंत करा नोंदणी!
विविध राजकीय पक्षांचे उमेदवार आणि अपक्ष उमेदवार निवडणुकीच्या रिंगणात आहेत. प्रचारादरम्यान उमेदवारांनी मतदारांपर्यंत पोहोचून आपापली भूमिका मांडली. आता मतदार प्रत्यक्ष मतदानातून आपला कौल नोंदवत आहेत. निवडून येणाऱ्या प्रतिनिधीने केवळ आश्वासने न देता प्रश्नांच्या निराकरणासाठी सातत्याने पाठपुरावा करावा, अशी अपेक्षा मतदार व्यक्त करत आहेत.
रोजगाराच्या प्रश्नांना वाचा फोडण्यासाठी मतदान
“पदवी घेतल्यानंतरही अनेक तरुणांना नोकरीसाठी संघर्ष करावा लागतो. बेरोजगारीचा प्रश्न विधान परिषदेत प्रभावीपणे मांडून तरुणांसाठी रोजगाराच्या संधी निर्माण करण्यासाठी प्रयत्न करणारा प्रतिनिधी निवडण्यासाठी आम्ही मतदान करत आहोत.”
— अक्षय मारणे
पदवीधर मतदार
“स्पर्धा परीक्षांची तयारी करणाऱ्या विद्यार्थ्यांना अनेक अडचणींचा सामना करावा लागतो. त्यांच्या समस्या समजून घेऊन शासनदरबारी मांडणारा आणि त्यावर उपाययोजनांसाठी पाठपुरावा करणारा प्रतिनिधी निवडणे आवश्यक आहे. याच अपेक्षेने आम्ही मतदान करत आहोत.”
— दादासाहेब जगताप
पदवीधर मतदार
“शिक्षण पूर्ण केल्यानंतर तरुणांना त्यांच्या पात्रतेनुसार रोजगार मिळणे गरजेचे आहे. कौशल्यविकास, रोजगारनिर्मिती आणि युवकांच्या भवितव्याचे प्रश्न प्राधान्याने मांडले जावेत, यासाठी योग्य प्रतिनिधी निवडण्याच्या उद्देशाने मतदान केले.”
— तेजराज काकडे
पदवीधर मतदार
“शिक्षकांचे प्रलंबित प्रश्न, सेवाविषयक अडचणी आणि शिक्षण क्षेत्रातील समस्यांना विधान परिषदेत योग्य व्यासपीठ मिळावे. शिक्षकांची बाजू ठामपणे मांडणारा प्रतिनिधी निवडण्यासाठी आम्ही मतदान करत आहोत.”
— शिक्षक मतदार
“निवडून येणाऱ्या प्रतिनिधीने मतदारांच्या संपर्कात राहून त्यांच्या प्रश्नांचा सातत्याने पाठपुरावा करावा. पदवीधर आणि शिक्षकांच्या अपेक्षा पूर्ण करण्यासाठी काम करणारा लोकप्रतिनिधी मिळावा, या उद्देशाने आम्ही मतदानाचा हक्क बजावत आहोत.”
— अभिजीत जगताप
पदवीधर मतदार
Ans: आज, शुक्रवारी २३ ऑक्टोबर २०२६ रोजी सकाळी ८ ते दुपारी ४ या वेळेत पाचही जिल्ह्यांत मतदान पार पडत आहे.
Ans: बेरोजगारी, उच्चशिक्षित तरुणांच्या रोजगाराच्या संधी, स्पर्धा परीक्षांच्या अडचणी आणि शिक्षकांचे सेवाविषयक प्रलंबित प्रश्न हे मुख्य मुद्दे आहेत.
Ans: सोमवारी, २७ ऑक्टोबर २०२६ रोजी पुण्यातील बालेवाडी येथील श्री शिवछत्रपती क्रीडा संकुलात मतमोजणी होणार आहे.
Ans:
