मंगळवार, 27 ऑक्टोबर 2026
सौजन्य - नवराष्ट्र टीम
जावेद बागसिराज यांचे कुटुंब मूळचे कर्नाटक राज्यातील आहेत. त्यांचे वडील पुणे शहरात आले होते. त्यांचा जन्म पुणे शहरात झाला. ते २०१० मध्ये पुणे शहर पोलीस दलात भरती झाले होते. सुरुवातीला आठ वर्ष पुणे पोलीस दलातील हडपसर, मुंढवा पोलीस ठाण्यांत सेवा केली. २०१८ मध्ये पिंपरी-चिंचवड शहरासाठी स्वतंत्र पोलीस आयुक्तालय सुरु झाल्यानंतर ते पिंपरी-चिंचवड शहर पोलीस दलात आले. इथे त्यांनी सुरुवातीला पिंपरी आणि त्यानंतर गुन्हे शाखेत काम केले. सध्या ते गुन्हे शाखेच्या अँटी नार्कोटिक्स सेल मध्ये कार्यरत होते.
रविवारी रात्री उशिरा जावेद यांना एक टीप मिळाली. संशयित दोघेजण संत तुकाराम नगर येथे एमडी ड्रग्ज विक्रीसाठी येणार आहेत. त्यानुसार त्यांनी वरिष्ठांना याबाबत माहिती देऊन संत तुकाराम नगर मधील आंतरिक सोसायटी जवळ सापळा लावला. एमडी विक्रीसाठी आलेल्या एकाला त्यांनी पकडले. दरम्यान, पकडलेल्या संशयित आरोपीचा दुसरा साथीदार पळून जाऊ लागला. त्याला पकडण्यासाठी जावेद हे त्याच्या मागे धावले. धावत असताना अचानक त्यांच्या छातीत तीव्र कळ आली आणि ते खाली कोसळले.
जावेद यांच्या सहकाऱ्यांच्या ही बाब लक्षात येताच त्यांना तात्काळ पिंपरी मधील वायसीएम रुग्णालयात दाखल केले. त्याचवेळी त्यांना आणखी एक हृदयविकाराचा धक्का बसला आणि त्यातच त्यांचा मृत्यू झाला. जावेद यांच्या पश्चात आई, वडील, भाऊ, पत्नी, १२ वर्षांची एक मुलगी आणि ७ वर्षांचा एक मुलगा असा परिवार आहे. जावेद यांचा दफनविधी कसबा येथील कब्रिस्तान येथे सोमवारी दुपारी झाला. जावेद हे अतिशय कष्टाळू होते. त्यांचे काम वाखणण्याजोगे असल्याच्या भावना वरिष्ठ अधिकारी व्यक्त करत आहेत.
Ans: जावेद बागसिराज असे मृत पोलीस कर्मचाऱ्याचे नाव असून, ते पिंपरी-चिंचवड गुन्हे शाखेच्या अँटी नार्कोटिक्स सेलमध्ये कार्यरत होते.
Ans: संत तुकाराम नगर परिसरात एमडी ड्रग्ज विक्रीसाठी आलेल्या संशयितांवर कारवाई करताना एक आरोपी पळून जाऊ लागला. त्याचा पाठलाग करत असताना जावेद यांना हृदयविकाराचा झटका आला. रुग्णालयात उपचारासाठी दाखल केल्यानंतर त्यांचा मृत्यू झाला.
Ans: जावेद बागसिराज हे २०१० मध्ये पुणे शहर पोलीस दलात भरती झाले होते. त्यांनी हडपसर, मुंढवा आणि पिंपरी येथे सेवा बजावली होती. २०१८ नंतर ते पिंपरी-चिंचवड पोलीस दलात कार्यरत होते.
