शनिवार, 17 ऑक्टोबर 2026
Surgical gloves left inside abdomen
घरी आल्यानंतर त्यांना पुन्हा उलट्या आणि पोटदुखी सुरू झाली, म्हणून त्यांनी पुन्हा हॉस्पिटलमध्ये धाव घेतली. त्रास वाढल्यामुळे कुटुंबीयांनी वडवणी, बीड, पुण्यातील रुग्णालयांमध्ये धाव घेतली. अखेर त्यांना ससून रुग्णालयात दाखल केल्यानंतर पोटात मोठ्या प्रमाणात संसर्ग आढळला. त्यांच्या कुटुंबाचं असं म्हणणं आहे की, ऑपरेशन करताना रुग्णाच्या पोटात ग्लोव्हज आणि पेपर नॅपकिनचा तुकडा राहिल्याने तिला इन्फेक्शन झालं आहे.
रुग्णाचे त्यानंतर दोनदा ऑपरेशन झाले, पण तिच्यात काही सुधारणा दिसत नाही आहे. उलट तिची प्रकृती अजून गंभीर होताना दिसत आहे. संसर्ग झालेल्या काही आतड्यांचा भाग काढण्यात आला आहे. सध्या त्या ICU मध्ये आहेत. दोषी डॉक्टरवर कारवाई झाली पाहिजे, अशी मागणी त्यांचे पती सूरज गायकवाड यांनी केली आहे. आमची परिस्थिती फारच गरीब असल्यामुळे हॉस्पिटलचा खर्च आम्हाला परवडणारा नाही, पण माझ्या बायकोचा जीव वाचवा, म्हणून ते मदतीची याचना करत आहेत.
