Maharashtra Rain Alert: भयंकर, भीषण चक्रीवादळ! पुण्यनगरीत पुढील दोन दिवस अक्षरश:…

Maharashtra Rain Alert: सोमवारी शहरात कमाल तापमान २४ अंश सेल्सिअस, तर किमान तापमान २१.२ अंश सेल्सिअस नोंदवले गेले. तापमानातील घसरण आणि दिवसभर ढगाळ वातावरणामुळे हवेत गारवा जाणवत होता.

• चक्रीय स्थितीमुळे पुण्यात पावसाची हजेरी
• पुढील दोन दिवस मेघगर्जनेसह पावसाचा अंदाज
• हवामान विभागाकडून येलो अलर्ट

Maharashtra Rain Alert/सुनयना सोनवणे: बंगालच्या उपसागरातील तीव्र चक्रीवादळ मुरासू आणि अरबी समुद्रातील चक्रीय स्थितीमुळे पुण्यासह राज्यात पावसासाठी पोषक वातावरण निर्माण झाले आहे. शहर आणि परिसरात सोमवारी (ता. २) रात्रीपासून सुरू असलेल्या पावसामुळे कमाल तापमानात आठ ते नऊ अंश सेल्सिअसने घट झाली. सकाळी शहराच्या विविध भागांत पावसाने हजेरी लावली, तर दिवसभर आकाश ढगाळ राहिल्याने वातावरणात गारवा निर्माण झाला. पुढील दोन दिवस शहर आणि परिसरात हलक्या ते मध्यम स्वरूपाच्या पावसासह मेघगर्जना आणि विजांच्या कडकडाटाची शक्यता भारतीय हवामानशास्त्र विभागाने वर्तवली आहे. या पार्श्वभूमीवर पुण्यासाठी येलो अलर्ट जारी करण्यात आला आहे.

सोमवारी शहरात कमाल तापमान २४ अंश सेल्सिअस, तर किमान तापमान २१.२ अंश सेल्सिअस नोंदवले गेले. तापमानातील घसरण आणि दिवसभर ढगाळ वातावरणामुळे हवेत गारवा जाणवत होता. मंगळवारी कमाल तापमान २६ अंश, तर किमान तापमान १९ अंश सेल्सिअस राहण्याचा अंदाज आहे. आकाश सामान्यतः ढगाळ राहून हलक्या ते मध्यम स्वरूपाचा पाऊस पडण्याची शक्यता आहे.

सावधान! पुढील 4 तास महत्वाचे, वादळी वाऱ्यासह मुसळधार पावसाचा इशारा, शाळा बंद आणि रेल्वे गाड्या रद्द; ‘cyclone arnab’ चा धोका वाढला

हवामान विभागाच्या माहितीनुसार, पश्चिम मध्य बंगालच्या उपसागरावर तीव्र चक्रीवादळ मुरासू केंद्रित असून, ते पश्चिम-वायव्य दिशेने सरकत आहे. तसेच पूर्व मध्य अरबी समुद्रात कर्नाटक आणि दक्षिण महाराष्ट्राच्या किनारपट्टीलगत समुद्रसपाटीपासून ०.९ किलोमीटर उंचीवर चक्रीय स्थिती निर्माण झाली आहे. याशिवाय पाच ते दहा किलोमीटर उंचीवरील उपोष्णकटिबंधीय पश्चिमी जेट प्रवाह दक्षिणेकडे सरकल्याने वातावरणातील आर्द्रतेत वाढ झाली आहे. या हवामान बदलांमुळे महाराष्ट्रात पुढील २४ तासांत पावसाची शक्यता वर्तवण्यात आली आहे.

पुणे शहर आणि परिसरात पुढील दोन दिवस पावसाचे वातावरण कायम राहण्याचा अंदाज आहे. मेघगर्जना आणि विजांच्या कडकडाटासह पाऊस पडण्याची शक्यता असल्याने नागरिकांनी बाहेर पडताना हवामानाचा अंदाज लक्षात घेऊन नियोजन करावे, असे आवाहन करण्यात आले आहे.

शहरातील पावसाची नोंद

ठिकाण  – पाऊस (मिमी)

ढमढेरे –  ४३.०
मगरपट्टा –  १६.०
हवेली – १३.०
चिंचवड –  ११.५
शिवाजीनगर – १०.९
पाषाण – ७.८
एनडीए – ७.०
शिरूर – ७.०
आंबेगाव –  ६.०
बारामती –  ४.६
हडपसर – ४.०

खडकवासला धरणसाखळीत ८०.५२ टक्के पाणीसाठा –

खडकवासला धरणसाखळीतील चारही धरणांमध्ये मिळून २३.४७ टीएमसी (८०.५२ टक्के) पाणीसाठा आहे. गतवर्षी याच कालावधीत २८.४० टीएमसी (९७.४१ टक्के) पाणीसाठा होता. त्यामुळे यंदा गतवर्षीच्या तुलनेत सुमारे पाच टीएमसीने साठा कमी आहे. सोमवारी चारही धरणांमध्ये नव्याने पाण्याची आवक झालेली नाही.

Baramati News : पावसाच्या संकटाने प्रशासन ॲक्शन मोडमध्ये! उपमुख्यमंत्री सुनेत्रा पवारांच्या मार्गदर्शनाखाली यंत्रणा मैदानात

धरण – पाणीसाठा (टीएमसी)  – टक्केवारी 

खडकवासला – १.१२ – ५६.८२
पानशेत –  ८.२४ – ७७.२६
वरसगाव – १०.९५ –  ८५.४१
टेमघर – ३.१४ –  ८४.६३
एकूण – २३.४७ -८०.५२

(खडकवासला धरणातून आतापर्यंत स्पिलवेद्वारे १९.०५ टीएमसी पाणी सोडण्यात आले आहे.)