पुणे आरटीओचा नागरिकांना सावधानतेचा इशारा (फोटो- सोशल मीडिया)
फसवे ई-चलन मेसेजपासून सावधान
प्रादेशिक परिवहन कार्यालय पुणेचा नागरिकांना इशारा
मेसेज बनावट असल्याचे आले समोर
पुणे: प्रादेशिक परिवहन कार्यालय, पुणे (Pune RTO) यांच्या नावाने वाहनावर ई-चलन प्रलंबित असल्याचा दावा करणारे खोटे एसएमएस तसेच व्हॉटसअॅप संदेश वाहनधारकांना येत असल्याची बाब निदर्शनास आली आहे. या संदेशांमध्ये नागरिकांकडून ओळख तपासण्याच्या नावाखाली (Pune) वाहन परिवहन किंवा इतर अॅप डाऊनलोड करण्यास भाग पाडले जात असून, हे संदेश पूर्णतः बनावट (Crime) असल्याचे वाहनधारकांच्या तक्रारीतून समोर आले आहे.
अशा फसवणुकीच्या हेतूने पाठविण्यात आलेल्या मेसेजचा नमुना पुढीलप्रमाणे आहे.प्रिय वाहन मालक/चालक, आपणास वाहतूक चलन (ई-चलान) जारी करण्यात आले आहे. चलन क्रमांक (चलान क्रमांक): LA21071734311687, आपली ओळख निश्चित करण्यासाठी आणि पुरावा पाहण्यासाठी, कृपया वहन परिवहन ॲप स्थापित इंस्टॉल करा.
Navale Bridge Accident: वाहनांच्या तपासणीकडे आरटीओकडून दुर्लक्ष; बेशिस्त ५८ हजार वाहनधारकांवर कारवाई
हे ॲप आपल्याला आवश्यक माहिती प्रदान करेल. धन्यवाद, आरटीओ कार्यालय असे येत आहे.आरटीओ पुणे कडून मूळ संदेशाचे स्वरूप प्रादेशिक परिवहन कार्यालयाकडून (आरटीओ पुणे) ई-चलान संदर्भातील संदेश हे वरील नमुन्यापेक्षा पूर्णतः भिन्न असतात. MH12XXXXXX हे वाहन मोटर वाहन अधिनियम, १९८८ (MV Act, 1988) चे उल्लंघन करताना सार्वजनिक ठिकाणी आढळले आहे. कृपया https://rtomh.in/print?id=Gka5JFm या नोटीसमध्ये (नोटीस) माहिती पहा आणि दंडाची रक्कम भरा.आरटीओ पुणे असे आहे.
अनोळखी ॲप्स कधीही डाउनलोड करू नका.तरी नागरिकांनी फसवणूक करणाऱ्या कोणत्याही संदेशातील लिंक उघडू नये अथवा त्यावर क्लिक करू नये. अशा बनावट मेसेजकडे तात्काळ दुर्लक्ष करावे आणि सायबर गैरप्रकाराच्या स्वरूपात तक्रार सायबर पोलीस विभागाकडे नोंदवावी.नागरिकांनी सत्यता तपासून, अधिकृत संकेतस्थळावरील तपशीलच ग्राह्य धरावेत असे आवाहन प्रादेशिक परिवहन कार्यालय, पुणे यांनी केले आहे.
Navale Bridge Accident: अपघात रोखण्यासाठी ‘आरटीओ’ अ‍ॅक्शन मोडमध्ये; चालकांची २४ तास तपासणी
अपघात रोखण्यासाठी ‘आरटीओ’ अ‍ॅक्शन मोडमध्ये
नवले पूल परिसरातील वाढत्या अपघातांच्या पार्श्‍वभूमीवर पुणे प्रादेशिक परिवहन कार्यालयाने (आरटीओ) पुणे–सातारा महामार्गावर विशेष लक्ष केंद्रित केले असून, खेड शिवापूर टोलनाक्याजवळ दोन भरारी पथके तैनात केली आहेत. शनिवारपासून (ता. २२) जडवाहतूक करणाऱ्या वाहनचालकांची २४ तास शारीरिक तपासणी करण्यात येणार आहे. यामध्ये डोळ्यांची तपासणी, मद्यप्राशन तपासणी तसेच वाहनांची तांत्रिक तपासणी समाविष्ट आहे. नुकतीच आरटीओच्या अधिकाऱ्यांनी नवले पूल परिसराची पाहणी करून तपासणीसाठी ठेवलेल्या जागेचा आढावा घेतला. खेड शिवापूर टोलनाक्यावरील ‘वे ब्रिज’जवळ वाहनांना थांबवून तपासणी केली जाणार आहे.
