रविवार, 1 नोव्हेंबर 2026
संग्रहित फोटो
पुणे शहरातून वापरानंतर नदीपात्रात सोडले जाणारे साडेचार टीएमसी पाणी पुरंदर उपसा सिंचन योजने द्वारे पुरंदरच्या शेतकऱ्यांना दिले जाते. या पाण्यावरच परिसरातील शेतकरी भाजीपाला, फळे, फुलांचे उत्पादन घेतात तसेच पिकविलेला शेतमाल पुणे शहर व परिसरातील दैनंदिन गरजा भागविण्यासाठी महत्वाचा ठरतो. सध्याच्या परिस्थितीत शेतकऱ्यांना आर्थिक संकटातून सावरण्यासाठी हि योजना पूर्ण पणे मोफत चालविणे आवश्यक आहे. त्यासाठी शासनाने संबंधित खर्चाची तरतूद करून पाणी उपलब्ध करून दिल्यास दुष्काळग्रस्त शेतकऱ्यांना दिलासा मिळेल असे म्हंटले आहे.
दरम्यान आमदार विजय शिवतारे यांनी जलसंपदा विभागाच्या अधिकाऱ्यांची पुरंदर उपसा योजनेसह विविध विषयाबाबत महत्वपूर्ण बैठक घेतली आहे. यावेळी महाराष्ट्र कृष्णा खोरे विकास महामंडळाचे कार्यकारी संचालक संजीव चोपडे, जलसंपदा विभागाचे मुख्यअभियंता प्रवीण कोळे, कार्यकारी अभियंता अमरजित बिराजदार, उप कार्यकारी अभियंता ज्योती घुगे यांच्यासह शेतकरी उपस्थित होते. यामध्ये त्यांनी शेतकऱ्यांना न्याय पद्धतीने पाणी वाटप करण्याच्या संबधित अधिकाऱ्यांना सूचना केल्या आहेत.
शेतकऱ्यांकडून जादा पाणीपट्टी घेतलेल्या अधिकऱ्यांची चौकशी करावी
सध्याच्या टंचाई काळात शेतकरी पिके वाचविण्यासाठी पुरंदर उपसाच्या पाण्यासाठी धडपड करीत आहे. या परिस्थितीत योजनेचे अधिकारी मनमानी पद्धतीने शेतकऱ्यांकडून जादा पैसे घेत असल्याच्या अनेक तक्रारी माझ्याकडे आल्या आहेत. त्यामुळे ज्यांनी जादा पैसे घेतले असतील त्या अधिकाऱ्यांची चौकशी करण्यात यावी. अशी जोरदार मागणी पुरंदरचे आमदार विजय शिवतारे यांनी केली आहे.
पुरंदर उपसाच्या पाण्यासाठी मागीलवर्षी प्रमाणेच पाणीपट्टी भरावी
पुरंदर उपसा योजनेचे पाणी शेतकऱ्यांच्या हक्काचे पाणी आहे. यासाठी कोणत्याही शेतकऱ्यांनी जादा पैसे भरण्याची गरज नाही. मागीलवर्षी १९ टक्के पाणीपट्टी होती. त्याप्रमाणे यंदाही त्याच दराने पाणीपट्टी भरावी. पाणीपट्टीचे पैसे भरताना रोख स्वरुपात जमा न करता तालुका पातळीवर तसेच पंप हाउस मध्ये क्युआर कोड लावले आहेत त्यावर ऑनलाईन पैसे जमा करावेत. असे आवाहन आमदार विजय शिवतारे यांनी केले आहे.
डयाशबोर्ड वरून सर्व माहिती मिळणार
पुरंदर उपसाचे अनेक अधिकारी काही शेतकऱ्यांना पैसे भरूनही वेळेवर पाणी न देता ठराविक लोकांना त्यांच्या सोयीनुसार पाणी देतात अशा तक्रारी प्राप्त झाल्या आहेत. मात्र टंचाई काळात अधिकाऱ्यांनी कोणतेही राजकारण किंवा मनमानी न करता सर्वाना समान न्याय द्यावा. अशा सूचना विजय शिवतरे यांनी योजनेच्या अधिकाऱ्यांना दिल्या आहेत. त्याचप्रमाणे पाणी वाटपात कोणताही दुजाभाव होऊ नये आणि पाणीवाटप पारदर्शक पद्धतीने होण्यासाठी योजनेच्या कार्यालयात डयाशबोर्ड बसविण्याची व्यवस्था केली आहे. त्यावर कोणत्या शेतकऱ्याने कधी पैसे भरले, आज कोणत्या भागात पाणी सुटणार आहे, दुसऱ्या भागात काही पाणी सुटणार आहे, किती तास आणि किती पाणी मिळणार याची सर्व माहिती देण्यात येणार आहे. त्यामुळे पाणी वाटपातील गोंधळ कमी होऊन पारदर्शक पद्धतीने पाणी वाटप होईल.
Ans: पुरंदरचे आमदार विजय शिवतारे यांनी दुष्काळी परिस्थिती लक्षात घेऊन शेतकऱ्यांना पाणीपट्टी आणि वीजबिल न आकारता मोफत पाणी देण्याची मागणी केली आहे.
Ans: आमदार विजय शिवतारे यांनी मागील वर्षीप्रमाणेच यंदाही १९ टक्के पाणीपट्टीच्या दराने पैसे भरण्याचे आवाहन केले आहे. मोफत पाण्याबाबत शासनाकडे स्वतंत्र मागणी केली आहे.
Ans: पाणीवाटपातील गैरप्रकार टाळण्यासाठी योजनेच्या कार्यालयात डॅशबोर्ड बसविण्यात येणार आहे. यावर शेतकऱ्यांनी भरलेली रक्कम, पाणी सोडण्याचे वेळापत्रक आणि पाणीपुरवठ्याची माहिती उपलब्ध होणार आहे.
