सोमवार, 2 नोव्हेंबर 2026
पुण्यात बारामती-इंदापूरला पावसाने झोडपले
या जोरदार पावसामुळे शहरातील रस्ते आणि सखल भाग जलमय झाले, तर अनेक दिवसांपासून पावसाच्या प्रतीक्षेत असलेल्या शेतकऱ्यांना मोठा दिलासा मिळाला. मात्र, द्राक्ष आणि डाळिंब बागांचे नुकसान होण्याची भीतीही व्यक्त होत आहे.
बारामती शहरात पहाटे साडेचार वाजण्याच्या सुमारास पावसाला सुरुवात झाली. सुरुवातीपासूनच पावसाचा जोर प्रचंड असल्याने शहरातील अनेक रस्त्यांवर पाणी साचले. सखल भागांतून पाणी वाहू लागल्याने काही ठिकाणी जनजीवनावर परिणाम झाला. गेल्या अनेक दिवसांनंतर बारामतीकरांना ढगफुटीसदृश पावसाचा अनुभव आला.
बारामती शहराबरोबरच माळेगाव, काटेवाडी, पिंपळी-लिमटेक, सोनगाव या भागांतही दमदार पाऊस झाला. जिरायती पट्ट्यातील मोरगाव, जळगाव क.प. तसेच इंदापूर तालुक्यातील भवानीनगर, सणसर, लासुर्णे आणि परिसरातील गावांमध्ये पावसाने जोरदार हजेरी लावली.
दीडशे वर्षांत तब्बल 111 वर्षे ‘नॉर्मल’ पावसाची; पर्जन्यमानाच्या 155 वर्षांत 27 वर्षे कोरडी राहिली
गेल्या अनेक दिवसांपासून पावसाने दडी मारल्याने बारामती परिसरात पाणीटंचाईचे संकट गडद झाले होते. जिरायती भागातील परिस्थिती गंभीर बनली होती, तर बागायती पट्ट्यातही पाण्याची समस्या जाणवू लागली होती. अनेक ठिकाणी विहिरी आणि बोअरवेलच्या पाणीपातळीत घट झाली होती. परतीच्या पावसाच्या अपेक्षेने शेतकरी आकाशाकडे डोळे लावून बसले होते. मात्र, हस्त नक्षत्राच्या कालावधीतही अपेक्षित पाऊस न झाल्याने शेतकऱ्यांच्या चिंतेत भर पडली होती.
त्यातच काही दिवसांपूर्वी नीरा डावा कालव्याचे आवर्तन बंद झाल्याने पाणीटंचाईचे संकट अधिक गंभीर होण्याची शक्यता निर्माण झाली होती. या पार्श्वभूमीवर सोमवारी पहाटेपासून झालेल्या मुसळधार पावसाने शेतीसह पिण्याच्या पाण्याच्या प्रश्नाबाबतही आशा निर्माण केल्या आहेत.
बारामती आणि इंदापूर तालुक्यातील ऊस उत्पादकांसह चारा पिके घेणाऱ्या शेतकऱ्यांना या पावसामुळे मोठा दिलासा मिळाला आहे. पाण्याअभावी अडचणीत आलेल्या पिकांना या पावसाचा फायदा होण्याची अपेक्षा आहे. मात्र, मुसळधार पावसाचा द्राक्ष आणि डाळिंब बागांना फटका बसण्याची शक्यता असल्याने फळ उत्पादक शेतकऱ्यांची चिंता वाढली आहे.
पावसाचा जोर आणि त्यानंतरची हवामानस्थिती यावर पिकांचे नुकसान किती होणार, हे अवलंबून राहणार आहे. एकीकडे पाणीटंचाईच्या संकटात सापडलेल्या शेतीला या पावसाने नवसंजीवनी मिळण्याची आशा निर्माण केली आहे, तर दुसरीकडे परिस्थितीमुळे फळबागांच्या नुकसानीची भीती कायम आहे.
नागपूर शहर आणि परिसरात विजांच्या कडकडाटासह पाऊस; सुरुवातीच्या काही तासांतच…
Ans: आज पहाटेपासून महाराष्ट्रात अनेक भागांमध्ये पाऊस आहे
Ans: बारामतीसह इंदापूरमध्ये पाऊस पडत आहे
Ans: या पावसामुळे अनेक पिकांवर संकट येण्याची शक्यता आहे
