शुक्रवार, 30 ऑक्टोबर 2026
संग्रहित फोटो
महापालिकेच्या सर्वसाधारण सभेत शहराच्या विकासकामांसह आर्थिक प्रस्ताव, प्रशासकीय निर्णय आणि जनहिताच्या विविध विषयांवर चर्चा होते. या चर्चेची माहिती नागरिकांना थेट मिळावी, यासाठी सभेचे प्रक्षेपण महत्त्वाचे मानले जाते. मात्र, वारंवार प्रक्षेपण बंद होत असल्याने सभागृहातील कामकाज नागरिकांपासून दूर ठेवले जात आहे का, असा सवाल उपस्थित होत आहे.
यापूर्वीही सभेचे थेट प्रक्षेपण बंद करण्यात आले होते. त्यावेळी या निर्णयावरून मोठा वाद निर्माण झाला होता. नगरसेवक संदीप वाघेरे यांनी या निर्णयाविरोधात न्यायालयात जाण्याचा इशारा दिला होता. त्यानंतर काही काळाने प्रक्षेपण पुन्हा सुरू करण्यात आले. त्यामुळे नागरिकांना सभागृहातील चर्चा आणि लोकप्रतिनिधींच्या भूमिका जाणून घेता येत होत्या. मात्र, गुरुवारी (दि. ३०) सुरू असलेल्या सभेचे प्रक्षेपण पुन्हा बंद करण्यात आल्याने प्रशासनाच्या कार्यपद्धतीवर टीका होत आहे. प्रक्षेपण बंद करण्याचा निर्णय नेमका कोणी आणि कोणत्या कारणास्तव घेतला, याबाबत प्रशासनाने स्पष्टीकरण देण्याची मागणी होत आहे.
सत्ताधारी भाजपच्या कारभारावर प्रश्न
पारदर्शक आणि लोकाभिमुख कारभाराचा दावा करणाऱ्या सत्ताधारी भाजपच्या काळातच प्रक्षेपण बंद होण्याचे प्रकार वारंवार घडत असल्याने राजकीय चर्चेला उधाण आले आहे. सभागृहातील कामकाज नागरिकांसाठी खुले ठेवण्यास हरकत काय, असा सवाल उपस्थित केला जात आहे. महापालिका प्रशासनाने प्रक्षेपण बंद करण्यामागील अधिकृत कारण स्पष्ट करून ते नियमितपणे सुरू ठेवावे, अशी मागणी होत आहे.
Ans: महापालिकेच्या सर्वसाधारण सभेचे थेट प्रक्षेपण पुन्हा बंद करण्यात आल्याने पारदर्शक कारभाराचा मुद्दा चर्चेत आला आहे.
Ans: यापूर्वी प्रक्षेपण बंद केल्याने वाद निर्माण झाला होता. नगरसेवक संदीप वाघेरे यांनी न्यायालयात जाण्याचा इशारा दिल्यानंतर प्रक्षेपण पुन्हा सुरू करण्यात आले होते.
Ans: प्रक्षेपण बंद करण्यामागील अधिकृत कारण स्पष्ट करून सर्वसाधारण सभेचे थेट प्रक्षेपण नियमितपणे सुरू ठेवण्याची मागणी होत आहे.
