राज्याचे आरोग्य धोरण लवकरच जाहीर होणार,राजेश टोपेंची मोठी घोषणा

राज्याचे आरोग्यमंत्री राजेश टोपे (Rajesh Tope) यांनी मोठी घोषणा केली आहे. राज्याचं आरोग्य धोरण (Health Policy) लवकरच जाहीर होणार असून हे नवं आरोग्य धोरण राष्ट्रीय आरोग्य धोरणाशी सुसंगत असेल असे देखील राजेश टोपे यांनी सांगितलं आहे.

Follow Us:

Follow Us:

मुंबई : राज्याचे आरोग्यमंत्री राजेश टोपे यांनी मोठी घोषणा केली आहे. लवकरच राज्याचं आरोग्य धोरण जाहीर करू, असे वक्तव्य राजेश टोपे (Rajesh Tope) यांनी केले आहे. तसेच राज्याचं हे नवं आरोग्य धोरण राष्ट्रीय आरोग्य धोरणाशी सुसंगत असेल असे देखील राजेश टोपे यांनी सांगितलं आहे. (Health Policy Of Maharashtra) मुंबईतील (Mumbai) वाय. बी. चव्हाण सेंटर येथे आयोजित करण्यात आलेल्या आरोग्य परीषदेत ते बोलत होते. या परिषदेत राज्यातील अनेक योजनांबाबत चर्चा झाली. खासगी दवाखान्यात असणाऱ्या काही गोष्टी आता सरकारी दवाखान्यात देखील राबवण्याविषयी या परिषदेत निर्णय घेण्यात आला.

राजेश टोपे म्हणाले, ट्रस्टच्या हॉस्पिटलमध्ये १० टक्के फ्री बेड ठेवणे आणि १० टक्के कमी दरात बेड उपलब्ध करणे अपेक्षित आहे. मात्र हे होत नाही. आम्ही त्याबाबतच्या सूचना दिल्या आहेत. तसेच अनेक रुग्णालये महात्मा फुले जन आरोग्य योजना नसल्याचे उत्तर देतात. मोठ्या रुग्णालयात ही योजना असायला हवी याबाबात आम्ही लवकरच योग्य निर्णय घेणार आहोत. शिवाय तृतीय पंथीयांच्या सर्जरी फ्री करण्याबाबत देखील आम्ही लवकरच निर्णय घेणारं आहोत.

पुण्यात दाखल झालेले गुन्हे आरोग्य विभागच्या वतीने दाखल करण्यात आले आहेत. आम्ही याबाबत पुढील आठ दिवसांच्या आत योग्य निकाल देऊ. आर्थिक परिस्थितीमुळे अवयव विकायला लागावा अशी वेळ येऊ नये. परंतु, असं घडत असेल तर आम्ही गय करणार नाही, असा इशारा राजेश टोपे यांनी यावेळी दिला आहे. याबरोबरच आम्ही रुबी हॉस्पिटलच्या ऑर्गन ट्रान्सप्लांटबाबतच्या लायसन्स संस्पेंड करण्याचे आदेश दिले आहेत, अशी माहिती मंत्री टोपे यांनी यावेळी दिली.

ते पुढे म्हणाले की, मी शेतकऱ्यांना विनंती करत आहे, की आत्महत्येसारखं टोकाचं पाऊल उचलू नका. सरकार शेतकऱ्यांच्या पाठीशी आहे. राज्यात उसाचा प्रश्न गंभीर आहे. परंतु, शेतकऱ्यांना २०० रुपये प्रति मेट्रिक टन अनुदान देण्याचा निर्णय घेतला आहे. शेतकऱ्यांना नुकसान भरपाई देता येईल का ? याबाबत देखील आम्ही विचार करत आहोत.

Web Title: Rajesh tope annopuncement about health policy of maharashtra nrsr

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com