साताऱ्यात DJ-लेझरविरोधात ‘मूक’ मोर्चा; शहरातील २१ संस्थांचा सहभाग, निर्णायक लढ्याची तयारी

DJ Laser Satara Protest: साताऱ्यात DJ आणि लेझर लाईटच्या वापराला विरोध करण्यासाठी २१ संस्था एकवटल्या असून, अनंत चतुर्दशीच्या दिवशी २५ सप्टेंबर रोजी राजवाड्यावर मूक मोर्चाचे आयोजन करण्यात आले आहे.

• गणेश विसर्जन मिरवणुकीत DJ-लेझर नको
• साताऱ्यात २१ संस्थांचा मूक मोर्चा
• अनंत चतुर्दशीला मूक मोर्चा

सातारा: डीजे आणि लेझर विरोधी आंदोलनात आता एकूण २१ संस्था या डीजे आणि लेझर विरोधात उभ्या ठाकल्या आहेत.अनंत चतुर्दशीच्या दिवशी शुक्रवार दिनांक २५ सप्टेंबर २०२६ रोजी संध्याकाळी ठीक ५.३० वाजता सर्वजण राजवाड्यावर एकत्र भेटणार असून यावेळी सर्व संस्थांच्या वतीने मूक मोर्चाचे आयोजन करण्यात आले आहे. गेल्या वर्षीपासून हे डीजे आणि लेझर लाईट सर्व मिरवणुकांमधून, उत्सवांमधून हद्दपार होण्यासाठी या संस्थांनी खूप प्रयत्न केले. गेल्या वर्षीदेखील मोर्चा काढला.

शुक्रवारचा हा मोर्चा राजवाडा ते पोलीस करमणूक केंद्र या मार्गावर मार्गक्रमण करणार आहे. घोषणा न देता केवळ डीजे आणि लेझर विरोधी फलक उंचावून या मोर्चामध्ये सहभागी होणार आहेत .यावर्षी साताऱ्यातील प्रथितयश डॉक्टर मंडळी तसेच अनेक महिला मोठ्या संख्येने या मोर्चामध्ये सहभागी होणार आहेत. या मोर्चामध्ये सामील होण्यासाठी मोठ्या संख्येने उपस्थित राहा आणि प्रत्येकाने आपल्याबरोबर किमान पाच मित्र किंवा मैत्रिणींना घेऊन यावे. असे आवाहन आयोजक प्रसाद चाफेकर यांनी केले आहे.

मुंबई उच्च न्यायालयाची कडक भूमिका

गणेशोत्सवासह राज्यातील विविध धार्मिक सण आणि मिरवणुकांमध्ये होणाऱ्या ध्वनी आणि वायुप्रदूषणावर मुंबई उच्च न्यायालयाने अखेर कडक भूमिका घेतली आहे. सार्वजनिक रस्त्यांवर आणि ठिकाणी फटाके फोडण्यास न्यायालयाने पूर्ण बंदी घातली आहे. त्याचबरोबर लेझर लाईट, हाय-इंटेन्सिटी लुमेन लाईट आणि बीमच्या वापरावरही बंदी घालण्यात आली आहे. न्यायमूर्ती गिरीश कुलकर्णी आणि न्यायमूर्ती नीला गोखले यांच्या खंडपीठाने हे निर्देश दिले आहेत.

शेतकऱ्यांसाठी मोठी बातमी! दुष्काळग्रस्तांना मदतीचा आदेश उद्याच काढणार; मुख्यमंत्री Devendra Fadnavis यांची मोठी घोषणा