सोमवार, 17 ऑगस्ट 2026
फोटो सौजन्य सोशल मीडिया
Satara News : बांधकाम मंत्री शिवेंद्रसिंहराजे भोसले यांचे कट्टर समर्थक म्हणून ओळख असलेल्या दरेखुर्द येथील राहुल विलास माने यांची भारतीय जनता पार्टी किसान मोर्चा जावली तालुका अध्यक्षपदी निवड करण्यात आली.
राहुल माने यांना मंत्री शिवेंद्रसिंहराजे भोसले यांच्या हस्ते निवडीचे नियुक्तीपत्र नुकतेच देण्यात आले. या निवडीबद्दल राहुल माने यांचे मंत्री शिवेंद्रसिंहराजे भोसले, राज्याध्यक्ष किसान मोर्चा रामकृष्ण वेताळ,जिल्हाध्यक्ष सूर्यकांत पडवळ, जिल्हा बँक संचालक ज्ञानदेव रांजणे, जिल्हा परिषद सदस्य वसंतराव मानकुमरे, सभापती सौरभ बाबा शिंदे,बाजार समिती चेअरमन जयदीप शिंदे, युवा नेते प्रवीण देशमाने,इंद्रजित भिलारे,आदींनी अभिनंदन केले.
भारतीय जनता पार्टीने माझ्यावर तालुकाध्यक्ष पदाची जी जबाबदारी दिली आहे. ती मी निष्ठेने पार पाडीन, तालुक्यातील शेतकऱ्यांचे भाजपच्या माध्यमातून संघटन करून त्यांच्या न्याय मागण्या सरकारपर्यंत पोहोचवण्याचा माझ्याकडून प्रयत्न राहील.अशी प्रतिक्रिया निवड झाल्यानंतर नूतन तालुकाध्यक्ष राहुल माने यांनी दिली.
