शाहू कला मंदिरात कंत्राटी कर्मचारी बेपत्ता अन् साऊंड सिस्टिम ठप्प; नगरपालिकेच्या कंत्राटी व्यवस्थेचा खेळखंडोबा

शाहू कला नाट्यगृहासाठी चार कंत्राटी कर्मचारी दाखवले जात असले, तरी रोजच्या कामावर फक्त एकच कर्मचारी दोन तास हजर राहत असल्याचे समोर आले आहे. उर्वरित कर्मचारी मात्र ‘बेपत्ता’ असूनही त्यांचा पगार नियमित काढला जातो.

Satara News : सातारा : शाहू कला मंदिरातील कंत्राटी कर्मचाऱ्यांच्या कारभारावर गंभीर प्रश्नचिन्ह निर्माण झाले असून “काम कमी, पगार जास्त” या प्रकाराने नगरपालिकेचा आर्थिक बोजा वाढत असल्याची चर्चा रंगली आहे. नाट्यगृह अधीक्षक शैलेश अष्टेकर हे धडाडीचे अधिकारी असताना कंत्राटी कर्मचारी घरबसल्या पगार कसा घेतात याविषयी प्रचंड आश्चर्य आहे.

 

प्रत्यक्षात नाट्यगृहासाठी चार कंत्राटी कर्मचारी दाखवले जात असले, तरी रोजच्या कामावर फक्त एकच कर्मचारी दोन तास हजर राहत असल्याचे समोर आले आहे. उर्वरित कर्मचारी मात्र ‘बेपत्ता’ असूनही त्यांचा पगार नियमित काढला जात असल्याचा आरोप होत आहे. माहितीनुसार, या कर्मचाऱ्यांना दरमहा सुमारे २५ हजार रुपये मानधन दिले जाते. मात्र, प्रत्यक्ष ड्युटी फक्त दोन तासांची असल्याने उर्वरित वेळ ते कामावरच नसतात. नाट्यप्रयोगाच्या वेळी पूर्वी दोन कर्मचारी हजर असायचे, परंतु आता एकाच व्यक्तीकडे जबाबदारी दिल्याने व्यवस्थापनाचा बोजवारा उडाला आहे. या निष्काळजीपणाचा थेट परिणाम नाट्यगृहाच्या सुविधांवर झाला असून साऊंड सिस्टिम अनेक दिवसांपासून बंद अवस्थेत आहे. दुरुस्तीबाबत कोणतीही ठोस कारवाई झालेली नाही. त्यामुळे कलाकार आणि प्रेक्षक दोघांनाही त्रास सहन करावा लागत आहे.

हे देखील वाचा : कृतघ्न मुलगा अन् कुटुंबाच्या पूर्वपुण्याईवर खासदार; काँग्रसेनी पार्थ पवारांना धरलं धारेवर

नगरपालिकेतील काही स्रोतांच्या मते, या प्रकरणात कंत्राटी नियुक्त्यांमध्ये पारदर्शकतेचा अभाव असून संबंधितांची नावे आणि हजेरी तपासली, तर मोठा घोटाळा उघड होण्याची शक्यता आहे. तरीही प्रशासनाकडून याकडे जाणीवपूर्वक दुर्लक्ष केले जात असल्याची टीका होत आहे.
दरम्यान, “आठ तास ड्युटी बंधनकारक करावी, अनुपस्थित कर्मचाऱ्यांवर कारवाई करावी आणि नाट्यगृहाची सुविधा तात्काळ पूर्ववत करावी,” अशी मागणी स्थानिकांकडून जोर धरत आहे. या प्रकरणात वरिष्ठ कलाकार आणि सांस्कृतिक क्षेत्रातील मान्यवर पुढे येऊन मोठा खुलासा करतील, अशीही चर्चा रंगली आहे.

हे देखील वाचा :  “सुनेत्रा पवारांना महाविकास आघाडीकडून अधिकृत पाठिंबा नाही पण..; खासदार संजय राऊतांनी स्पष्टच सांगितलं

अष्टेकर साहेब थोडासा खुलासा कराल का? 

सातारा पालिकेचे ठेके आणि राजकीय दबाव यांची विळ्या भोपळ्याचे नाते आहे .त्यामुळे येथे ठेकेदाराचे ठराविक लाडके कर्मचारीदोन तास काम करून घरी जातात .प्रत्यक्ष प्रयोगाच्या वेळी दोन ते तीनच कर्मचारी उपस्थित असतात .नाट्यगृह अधीक्षक शैलेश अष्टेकर हे अत्यंत कर्तव्यनिष्ठ समजले जातात असे असताना सुद्धा त्यांच्या हाताखालीलकर्मचारी त्यांना अजिबात दाद देत नसल्याची तक्रार आहे .साऊंड सिस्टिम च्या दुरुस्तीचे कागदोपत्री खेळ रंगले प्रत्यक्षात सिस्टीम मात्र दुरुस्त झालेली नाही .त्यामुळे अष्टेकर साहेबांनी त्याचा खुलासा करावा अन्यथा सातारकरांना नगराध्यक्षांकडे विचारावे लागेल असा सवाल रंगकर्मी करत आहेत .