Marathi News
X
  • देश
  • महाराष्ट्र
  • निवडणूक
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • व्यापार
  • लाइफ स्टाइल
  • व्हायरल
  • नवराष्ट्र विशेष
  • करिअर
  • फोटो
  • व्हिडिओ गॅलरी
  • वेबस्टोरीज़
  • ऑटोमोबाइल
  • विज्ञान तंत्रज्ञान
  • गुरु, 19 नोव्हेंबर 2026 ई-पेपर
  • देश
  • शॉर्ट न्यूज़
  • महाराष्ट्र
  • राजकारण
  • मुंबई
  • पुणे
  • नागपूर
  • लाइफ स्टाइल
  • क्रीडा
  • क्राईम
  • अन्य
    • विदेश
    • नवराष्ट्र विशेष
    • मनोरंजन
    • अन्य
      • व्यापार
      • टेक
      • वेब स्टोरीज
      • व्हायरल
      • करिअर
      • धर्म
      • ऑटोमोबाइल
      • फोटो
      • व्हिडिओ
      • सिनेमा
  • देश
  • शॉर्ट न्यूज़
  • राजकारण
  • महाराष्ट्र
  • मुंबई
  • पुणे
  • नागपूर
  • क्रीडा
  • वर्ल्ड
  • क्राईम
  • मनोरंजन
  • लाइफ स्टाइल
  • धर्म
  • व्हायरल
  • व्हिडिओ
  • वेब स्टोरीज़
  • फोटो
In Trends:
  • Maharastra Politics |
  • India Vs New Zealand |
  • Under 19 Asia Cup |
  • bigg boss 20
Follow Us
  • वेब स्टोरीज
  • फोटो
  • ई-पेपर
  • विडियो
  • फटाफट खबरें

Mira Bhayandar: ५०० कोटींच्या कर्जप्रस्तावावरून भाजप अडचणीत? नगरविकास विभागाकडून महापालिकेकडे हिशोब

Mira Bhayandar: मिरा-भाईंदर महापालिकेच्या ५०० कोटी रुपयांच्या कर्जप्रस्तावावरून राजकीय वातावरण तापले आहे. परिवहन मंत्री प्रताप सरनाईक यांनी या कर्जप्रस्तावाबाबत आरोप केल्यानंतर नगरविकास विभागाने महापालिकेकडे सविस्तर माहिती मागवली आहे.

  • By श्वेता झगडे
Updated On: Aug 13, 2026 | 04:25 PM
५०० कोटींच्या कर्जप्रस्तावावरून भाजप अडचणीत? नगरविकास विभागाकडून महापालिकेकडे हिशोब

५०० कोटींच्या कर्जप्रस्तावावरून भाजप अडचणीत? नगरविकास विभागाकडून महापालिकेकडे हिशोब

Follow Us
Follow Us:
  • ५०० कोटींच्या कर्जप्रस्तावावरून भाजप अडचणीत
  • नगरविकास विभागाकडून महापालिकेकडे सविस्तर हिशोब
  • सरनाईकांच्या आरोपांनंतर शासनाचे पत्र
विजय काते, भाईंदर : मिरा-भाईंदर महापालिकेच्या सिमेंट काँक्रिट रस्त्यांच्या कामांसाठी खासगी बँकेकडून सुमारे ५०० कोटी रुपयांचे कर्ज घेण्याच्या प्रस्तावावरून सत्ताधारी भाजप आणि शिवसेनेमध्ये सुरू असलेल्या संघर्षाला आता नवे वळण मिळाले आहे. परिवहन मंत्री प्रताप सरनाईक यांनी महापालिकेची मालमत्ता तब्बल ३० वर्षांसाठी गहाण ठेवून कर्ज घेण्याचा प्रस्ताव असल्याचा दावा केल्यानंतर नगरविकास विभागाने महापालिका आयुक्तांना पत्र पाठवून या संपूर्ण कर्जप्रस्तावाचा सविस्तर हिशोब मागवला आहे. त्यामुळे कर्जाला अंतिम मंजुरी मिळण्यापूर्वीच शासनाने महापालिकेकडून स्पष्टीकरण मागितल्याने भाजपची भूमिका अडचणीत आल्याचे बोलले जात आहे.

मिरा-भाईंदर शहरातील रस्त्यांवरील खड्ड्यांची समस्या दूर करण्यासाठी महापालिकेने मोठ्या प्रमाणावर सिमेंट काँक्रिट रस्त्यांची कामे हाती घेतली आहेत. या कामांसाठी निधीची आवश्यकता असल्याने खासगी बँकेकडून सुमारे ५०० कोटी रुपयांचे कर्ज उभारण्याचा प्रस्ताव महापालिकेने तयार केला आहे. या कर्जाला शासनाने तत्त्वतः मंजुरी दिल्याचा दावा भाजपकडून करण्यात आला आहे. मात्र, प्रत्यक्ष कर्ज उभारणीसाठी नगरविकास विभागाकडून अंतिम मंजुरी दिली जात नसल्याचा आरोप भाजपचे आमदार नरेंद्र मेहता यांनी केला होता.

मिरा-भाईंदर हादरलं! आक्षेपार्ह व्हिडीओचा धाक दाखवून १४ वर्षीय चिमुकलीवर लैंगिक अत्याचार; ६ जणांवर गुन्हा दाखल, दोघे गजाआड

या आरोपांवर परिवहन मंत्री प्रताप सरनाईक यांनी स्पष्टीकरण देताना महापालिकेची मालमत्ता ३० वर्षांसाठी गहाण ठेवून कर्ज घेण्याचा प्रस्ताव असल्याचा दावा केला होता. महापालिकेची मालमत्ता एवढ्या प्रदीर्घ कालावधीसाठी गहाण ठेवणे योग्य आहे का, याचा विचार करणे आवश्यक असल्याने नगरविकास विभागाने प्रस्तावाला तातडीने मंजुरी दिलेली नसल्याचे सरनाईक यांनी स्पष्ट केले होते.

नगरविकास विभागाचा महापालिकेला सवाल

या पार्श्वभूमीवर नगरविकास विभागाने १० ऑगस्ट रोजी महापालिका आयुक्तांना पत्र पाठवून कर्जप्रस्तावाबाबत विविध मुद्द्यांवर सविस्तर माहिती मागवली आहे. प्रस्तावित ५०० कोटी रुपयांचे कर्ज नेमके कोणत्या कामांसाठी वापरण्यात येणार आहे, याचा तपशील शासनाने मागितला आहे. तसेच यापूर्वीच पूर्ण झालेल्या रस्त्यांच्या कामांची देयके भागविण्यासाठी या कर्जाचा वापर केला जाणार आहे का, याबाबतही स्पष्ट खुलासा करण्याचे निर्देश देण्यात आले आहेत.

याशिवाय यापूर्वी झालेल्या रस्ते कामांची भौतिक व आर्थिक प्रगती, मंजूर रक्कम, प्रत्यक्ष खर्च, अदा केलेली देयके आणि सद्यस्थिती याची माहिती सादर करण्यास सांगण्यात आले आहे.

मंजूर कामे आणि कंत्राटदारांच्या देयकांचाही तपशील मागवला

प्रशासकीय राजवटीत तसेच त्यानंतर मंजूर करण्यात आलेल्या रस्ते विकासकामांचा स्वतंत्र तपशीलही नगरविकास विभागाने मागवला आहे. संबंधित कामांसाठी किती निधी मंजूर करण्यात आला, प्रत्यक्ष किती खर्च झाला आणि किती कामे पूर्ण झाली आहेत, याची माहिती महापालिकेला द्यावी लागणार आहे.

तसेच कंत्राटदारांना आतापर्यंत करण्यात आलेली देयके, प्रलंबित देयके आणि अपूर्ण कामांची यादीही शासनाने मागितली आहे. त्यामुळे ५०० कोटी रुपयांच्या कर्जाची गरज नेमकी का निर्माण झाली, यापूर्वीच्या रस्ते कामांची आर्थिक स्थिती काय आहे आणि प्रस्तावित कर्जाचा वापर नेमका कुठे केला जाणार आहे, याचा सविस्तर तपास आता शासनस्तरावर होणार आहे.

ड्रोन सर्वेक्षणाचा अहवालही मंजुरीच्या प्रतीक्षेत

दरम्यान, शहरातील रस्त्यांच्या कामांसंदर्भातील ड्रोन सर्वेक्षणाचा अहवालही मंजुरीच्या प्रतीक्षेत असल्याची माहिती नगररचनाकारांकडून देण्यात आली आहे. त्यामुळे एकीकडे ५०० कोटींच्या कर्जप्रस्तावावर शासनाकडून आर्थिक तपशील मागवला जात असताना दुसरीकडे रस्ते कामांशी संबंधित सर्वेक्षण अहवालालाही अद्याप अंतिम मंजुरी मिळालेली नसल्याचे समोर आले आहे.

नगरविकास विभागाच्या पत्रामुळे आता महापालिकेला कर्जाच्या प्रस्तावासोबत रस्ते कामांवरील खर्च आणि देयकांचा सविस्तर हिशोब सादर करावा लागणार आहे. त्यामुळे या कर्जप्रस्तावावरून भाजप आणि शिवसेनेतील राजकीय संघर्ष आणखी चिघळण्याची शक्यता व्यक्त केली जात आहे.

Mira Bhayander : मोठी दुर्घटना टळली! भाईंदरच्या उत्तनमध्ये जमिनीत जिवंत तोफगोळा सापडला; एनएसजीच्या कारवाईत सुरक्षित निकामी

Web Title: Mira bhayandar 500 crore loan proposal bjp trouble urban development department seeks

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com

Published On: Aug 13, 2026 | 04:25 PM

Topics:  

  • maharashtra
  • Maharashtra Politics
  • mira bhayandar

संबंधित बातम्या

Ladki Bahin Yojana: लाभ बंद झाल्याने बजेट कोलमडले; ९१ लाख अपात्र महिलांच्या प्रश्नावर सरकार काय निर्णय घेणार?
1

Ladki Bahin Yojana: लाभ बंद झाल्याने बजेट कोलमडले; ९१ लाख अपात्र महिलांच्या प्रश्नावर सरकार काय निर्णय घेणार?

Surya Water Project: जे पाणी शहरात पोहोचलेच नाही, त्यावरून महापौर-मंत्री आमनेसामने! सूर्या प्रकल्पातील १२ एमएलडी पाण्यावरून वाद
2

Surya Water Project: जे पाणी शहरात पोहोचलेच नाही, त्यावरून महापौर-मंत्री आमनेसामने! सूर्या प्रकल्पातील १२ एमएलडी पाण्यावरून वाद

लाखो रुपयांची सक्शन कम जेटिंग मशीन धूळखात; दौंड नगरपरिषदेचा भोंगळ कारभार चव्हाट्यावर
3

लाखो रुपयांची सक्शन कम जेटिंग मशीन धूळखात; दौंड नगरपरिषदेचा भोंगळ कारभार चव्हाट्यावर

Dharashiv News: १५५ कामांची पडताळणी होऊनही संशय कायम! ‘नाम फाउंडेशन’च्या कामांवर योजनेचा निधी खर्च केल्याचा शेतकऱ्यांचा आरोप
4

Dharashiv News: १५५ कामांची पडताळणी होऊनही संशय कायम! ‘नाम फाउंडेशन’च्या कामांवर योजनेचा निधी खर्च केल्याचा शेतकऱ्यांचा आरोप

Popular Sections

  • देश
  • विदेश
  • लाईफस्टाईल
  • मनोरंजन
  • क्रीडा
  • व्यापार
  • वेब स्टोरीज

Maharashtra Cities

  • मुंबई
  • पुणे
  • नागपूर
  • ठाणे
  • नाशिक
  • रत्नागिरी
  • पालघर
  • रायगड

More

  • धर्म
  • ऑटो
  • करिअर
  • व्हायरल
  • फोटो
  • नवराष्ट्र विशेष
  • टेक
  • व्हिडिओ

Follow Us On

Contact Us About Us Privacy Policy
Hindi News Epaper Marathi Epaper Hindi RSS Sitemap Author

© Copyright Navarashtra 2026 All rights reserved.