फोटो सौजन्य- gemini
दहीहंडीसाठी लागणारी ही विशेष मडकी प्रामुख्याने गुजरातमधील सुरत येथून ठाण्यात आणली जातात. माती आणि राखेचे विशिष्ट मिश्रण करून ही मडकी तयार केली जातात. पावसाळ्याच्या दिवसांत मडकी व्यवस्थित वाळत नसल्याने एप्रिल आणि मे महिन्यांच्या कडक उन्हातच त्यांची निर्मिती सुरू केली जाते. त्यानंतर कारागीर त्यावर फैब्रिक कलर, चकाकणारे रंग आणि रंगीबेरंगी खड्यांची आकर्षक नक्षीकाम करून त्यांना अंतिम रूप देतात. बाजारपेठेत या मडक्यांची प्राथमिक किंमत १०० रुपयांपासून सुरू होत असून, आकार आणि कलाकुसरीनुसार ती पुढे वाढत जाते.
केवळ मोठी मंडळेच नव्हे, तर गल्लीबोळांतील लहान बाळगोपाळांच्या दहीहंडीसाठीही खरेदीला उधाण आले आहे. ‘बोल बजरंग बली की जय’ आणि ‘गोविंदा आला रे’ लिहिलेल्या डोक्याच्या पट्ट्या, टी-शर्ट्स आणि छोट्या मडक्यांना पालकांकडून मोठी मागणी नोंदवली जात आहे.
महागाईचा फटका सर्वांनाच बसत असताना रंगांच्या दरात वाढ झाल्याचे मडकी विक्रेत्यांनी सांगितले. रंग तयार करण्यासाठी पेट्रोलचा उपयोग होत असून ९०० रुपयांना मिळणारा रंग आता १३०० रुपयांना मिळत आहे.
तर ६०० रुपयांना मिळणारा पाच लिटरच्या थिनरचा डबा ९०० रुपयांना मिळत असल्यामुळे यंदा मडक्यांच्या भावात दरवाढ झालेली आहे. पेट्रोलच्या दरवाढीमुळे ही महागाई झाल्याची माहिती मडकी विक्रेते वाशीम देवर्जी यांनी दिली. तसेच सजावटीसाठी लागणाऱ्या आकर्षक खड्यांचे ही दर वाढल्याचे त्यांनी सांगितले.
१०० रुपयांपासून मडक्यांची प्राथमिक किंमत सुरू
५० रुपयांची वाढ मडक्यांच्या किमतीत
मडक्यांच्या सुशोभीकरणासाठी लागणाऱ्या रासायनिक रंगांमध्ये आणि इंधन दरवाढीचा थेट फटका कारागिरांना बसला आहे. यापूर्वी २०० रुपयांना मिळणारा फैब्रिक रंग आता थेट १३०० रुपयांपर्यंत गेला आहे. सजावटीचे खाडे, मणी आणि थिनर महागल्याने यंदा मडक्यांच्या किमतीत किमान ५० रुपयांची वाढ करावी लागली आहे.
– स्थानिक मडकी विक्रेते, ठाणे
(डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.)
.png "Videos"){kind=small}
