माझ्यावरील भ्रष्टाचाराच्या आरोपात काहीही तथ्य नाही – ऋतुजा लटके

ऋतुजा लटके यांच्यावर भ्रष्टाचाराचे आरोप आहेत, तसेच लटकेंविरोधात एक केस प्रलंबित सुद्धा आहे. असं पालिकेचे वकील अनिल साखरे यांनी न्यायालयात दावा केला आहे. पण अखेर लटकेंना दिलासा मिळाला आहे, व उद्या त्यांचा राजीनामा मंजूर होणार आहे, भ्रष्टाचाराचे आरोपाला उत्तर देताना, लटके यांनी हे सर्व आरोप फेटाळून लावले आहेत.

मुंबई : अंधेरी पूर्व मतदारसंघाचे (Andheri East Assembly) शिवसेनेचे आमदार रमेश लटके (Ramesh Latke) यांचे निधन झाल्यानंतर पोटनिवडणूक जाहीर झाली आहे. या निवडणुकीमुळे शिवसेनेतील ठाकरे गट आणि शिंदे पुन्हा एकदा आमनेसामने आलेत. ठाकरे गटाकडून रमेश लटके यांच्या पत्नी ऋतुजा लटके (Rutuja Latke) यांना उमेदवारी जाहीर झाली असली तरी, अद्याप त्यांच्या राजीनामा (Resign) मंजूर झालेला नाही. त्यामुळं शिवसेनेनं याविरोधात न्यायालयाचे (court) दार ठोठावले आहे, आज यावर सुनावणी पार पडली, त्यानंतर अखेर लटकेंना न्यायालयाने दिलासा देत, उद्या सकाळी ११ वाजेपर्यंत लटकेंचा राजीनामा मंजूर करा, असं न्यायालयाचे पालिकेला आदेश दिले आहेत. त्यामुळं लटकेंचा निवडणुक लढवण्याचा मार्ग मोकळा झाला आहे.

[read_also content=”सिटी-वन या नरभक्षक वाघाला बेशुध्द करून पकडले https://www.navarashtra.com/maharashtra/forest-department-finally-succeeds-in-catching-city-one-tiger-335741.html”]

दुसरीकडे ठाकरे गटानं याचिका दाखल केली होती, यावर सुनावणी पार पडताना दोन्ही बाजूनी अनेक युक्तीवाद करण्यात आले. यावेळी पालिकेच्या वकीलांनी (bmc lawyer) राजीनामा नियमांना धरुन नसल्याचं म्हटलं आहे. तसेच ऋतुजा लटके यांच्यावर भ्रष्टाचाराचे आरोप आहेत, तसेच लटकेंविरोधात एक केस प्रलंबित सुद्धा आहे. असं पालिकेचे वकील अनिल साखरे यांनी न्यायालयात दावा केला आहे. पण अखेर लटकेंना दिलासा मिळाला आहे, व उद्या त्यांचा राजीनामा मंजूर होणार आहे, भ्रष्टाचाराचे आरोपाला उत्तर देताना, लटके यांनी हे सर्व आरोप फेटाळून लावले आहेत. या आरोपात काहीही तथ्य नसल्याचं ऋतुजा लटके यांनी माध्यमांशी संवाद साधताना म्हटलेय.