“मी समाजवाद्यांशी बोलू शकत नाही का?” उद्धव ठाकरेंचा भाजपाला सवाल

“शिवसेनेनं १९८७ साली देशातील पहिली पोटनिवडणूक हिंदुत्वाच्या मुद्द्यावर जिंकली होती. तेव्हा, भाजपा काय करता होता? हिंदू मते बरोबर आल्यावर निवडणूक जिंकू शकतो, हे भाजपाला कळलं. त्यानंतर भाजपानं शिवसेनेबरोबर युती केली. आता भाजपा एवढी मोठी झालीय की, त्यांना कुणाची गरज वाटत नाही. ही वृत्ती घातक आहे,” अशी टीका उद्धव ठाकरेंनी केली आहे

Follow Us:

Follow Us:

गुजरातमधील नरेंद्र मोदी स्टेडियममध्ये पाकिस्तानी खेळांडूवर फुलांचा वर्षाव भाजपाकडून करण्यात आला. मग, मी शिवसेना म्हणून समाजवाद्यांशी बोलू शकत नाही का? तुम्हाला गाडण्यासाठी आमच्यातील मतभेद गाडून टाकले आहेत, असा हल्लाबोल उद्धव ठाकरेंनी भाजपावर केला आहे.शिवसेना ( ठाकरे गट ) आणि समाजवादी विचारांची बैठक आज ( १५ ऑक्टोबर ) पार पडली. यावेळी बोलताना शिवसेना ( उद्धव ठाकरे गट ) पक्षप्रमुख उद्धव ठाकरे यांनी राष्ट्रीय स्वयंसेवक संघ आणि भाजपावर सडकून टीका केली आहे.

उद्धव ठाकरे म्हणाले, “शिवसेना आणि भाजपाची युती तोडण्याचं कारण काय होतं? आता शिवसेना आणि समाजवादी पक्ष एकत्र आल्यानं सवाल उपस्थित केले जातील. संयुक्त महाराष्ट्र आणि स्वातंत्र्य चळवळीत संघ कुठं होता? या दोन्ही चळवळीत कुठेही संघ नव्हता. संयुक्त महाराष्ट्राच्या चळवळीत जनसंघ होता. य.दी फडकेंनी लिहिलंय की, ‘संयुक्त महाराष्ट्राच्या चळवळीत आचार्य आत्रे, प्रबोधनकार ठाकरे, श्रीपाद डांगे आणि सर्व पक्ष एकत्र आले होते. तेव्हा, संयुक्त महाराष्ट्र समिती स्थापन झाली. त्यात जनसंघ घुसला होता. कारण, समितीबरोबर राहून काही जागा लढवता येतील.’ तेच, भाजपानं आमच्याबरोबर केलं.”

“शिवसेनेनं १९८७ साली देशातील पहिली पोटनिवडणूक हिंदुत्वाच्या मुद्द्यावर जिंकली होती. तेव्हा, भाजपा काय करता होता? हिंदू मते बरोबर आल्यावर निवडणूक जिंकू शकतो, हे भाजपाला कळलं. त्यानंतर भाजपानं शिवसेनेबरोबर युती केली. आता भाजपा एवढी मोठी झालीय की, त्यांना कुणाची गरज वाटत नाही. ही वृत्ती घातक आहे,” अशी टीका उद्धव ठाकरेंनी केली आहे

Web Title: Uddhav thackerays question to bjp nrab

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com