drought water shortage
Wardha News : यंदाच्या मान्सून काळात जिल्ह्यात अल्प पर्जन्यमान झाले. तर आगामी काळात जिल्ह्यातील नागरिकांना कोरड्या दुष्काळाच्या झळा सहन कराव्या लागणार आहे. या कठीण प्रसंगावर मात करण्यासह होतकरूंच्या हाताला काम मिळावे या हेतूने जिल्हा प्रशासनाच्यावतीने आतापासूनच नियोजन केले जात आहे. याचाच एक भाग म्हणून जिल्हा परिषदेचे मुख्य कार्यपालन अधिकारी पराग सोमण यांच्या संकल्पनेतून जिल्ह्यातील प्रत्येक ग्रामपंचायतीने जलताराची १०० कामे घेण्याच्या सूचना करण्यात आल्या आहे. जिल्ह्यातील ५२१ ग्रामपंचायतींत आगामी काळात या कामांतून तब्बल ८.३३ लाख मनुष्यदिन रोजगाराची निर्मिती होणार आहे.
पावसाच्या प्रत्येक थेंबाचे संगोपन व्हावे तसेच ते जमिनीत मुरावे याकरिता जलतारा हा महत्वाकांशी उपक्रम ठरतो. तर आगामी काळात दुष्काळाच्या झळा मजुरांनाही सोसाव्या लागणार आहे. अशा परिस्थितीत दुष्काळाशी लढा देणे आणि भविष्यात पावसाचा प्रत्येक थेंब जमिनीत मुरावा हा उद्देश असलेल्या जलताराची प्रत्येक ग्रामपंचायतींनी १०० कामे हाती घ्यावे, अशा सूचना जि. प. चे मुख्य कार्यपालन अधिकारी सोमण यांनी आठही पंचायत समितीच्या गटविकास अधिकाऱ्यांना दिल्या सूचनांना केंद्र स्थानी ठेवून जिल्ह्यातील आठही तालुक्यांत भागात प्रामुख्याने ग्रामीण जलसंधारणाची ही कामे केली जाणार आहे. या कामांमुळे होतकरूंना गावातच काम मिळणार आहे.
व्हीबीजी रामजी योजनेंतर्गत विविध कामे जिल्ह्यात केली जाणार आहेत. २०२६-२७ते २०३०-३१ या पाच वर्षांच्या काळात जिल्हा परिषद म्हणजेच ग्रामपंचायतींच्या माध्यमातून ११,४७९ कामे करण्यास प्रशासनाने मंजुरी दिली आहे. या कामातून २० लाख ३७ हजार ४४० मनुष्यदिन रोजगाराची निर्मिती होणार आहे. यापैकी जास्तीत जास्त कामे यंदाच्या दुष्काळी काळात पूर्ण करण्याचा मानस प्रशासनाचा असल्याचे सांगण्यात आले.
दुष्काळी संकट काळात व्हीबीजी रामजी योजनेंतर्गत रोजगारासाठी पात्र ठरणाऱ्या प्रत्येक लाभार्थ्यांला काम देण्यासाठी जिल्हा परिषदेच्या वतीने प्रयत्न होणार आहे. नोंदणीकृत मजुराने कामाची मागणी नोंदविताच झटपट त्यावर कार्यवाही होत त्या होतकरूला काम उपलब्ध करून दिले जाणार आहे.
व्हीबीजी रामजी योजनेंतर्गत जिल्ह्यात सध्यास्थितीत ८ हजार ७२२ विविध कामे प्रगतिपथावर आहेत. तर दुष्काळी परिस्थितीवर मात करण्यासाठी जिल्हा परिषदेच्या पंचायत विभागाकडून ५ हजार ७६२ कामांचा प्रस्ताव मंजुरीसाठी जिल्हाधिकाऱ्यांना सादर करण्यात आला असल्याचे सांगण्यात आले.
याबाबत बोलताना वर्धा जिल्हा परिषदेच्या उपमुख्य कार्यकारी अधिकारी (पंचायत) डॉ. ज्ञानदा फणसे म्हणाल्या, “८८ दुष्काळाशी लढा देण्याच्या उद्देशाने जिल्हातील ५२१ ग्रामपंचायतींद्वारे प्रत्येकी १०० जलताराची कामे घेतली जाणार आहे. होतकरू ग्रामिणांना गावातच काम मिळावे हा त्यामागील उद्देश आहे. मागेल त्याला काम उपलब्ध करून दिले जाणार आहे.”
Ans: पावसाचे पाणी जमिनीत मुरवून जलसंधारणाला चालना देणे आणि दुष्काळाच्या काळात ग्रामीण मजुरांना रोजगार उपलब्ध करून देणे, हा या उपक्रमाचा उद्देश आहे.
Ans: वर्धा जिल्ह्यातील ५२१ ग्रामपंचायतींमध्ये नियोजित कामांतून ८.३३ लाख मनुष्यदिन रोजगार निर्माण करण्याचे उद्दिष्ट ठेवण्यात आले आहे.
Ans: २०२६-२७ ते २०३०-३१ या पाच वर्षांच्या कालावधीसाठी जिल्ह्यात ११ हजार ४७९ कामांना मंजुरी देण्यात आली आहे.
.png "Videos"){kind=small}
