Wardha News : पाऊस गायब, जलाशयही अर्धवट! वर्धा जिल्ह्यावर जलसंकटाचे सावट

Wardha News : वर्धा जिल्ह्यावर यंदा वरुणराजाची नाराजी कायम आहे. जून ते सप्टेंबर या चार महिन्यांत अपेक्षित पावसाच्या तुलनेत तब्बल 36.92 टक्के तूट नोंदवण्यात आली असून जलाशयांची स्थितीही चिंताजनक आहे.

• चार महिन्यांत 36.92% पावसाची तूट
• हिंगणघाटमध्ये सर्वाधिक कमी, केवळ 47% पर्जन्यमान
• जलाशय पूर्ण न भरल्याने आगामी काळात जलसंकटाची चिंता

 

Wardha News : यंदा वर्धा जिल्ह्यावर वरुणराजाची नाराजी काही केल्या कमी होताना दिसत नाही. जूनपासूनच पावसाने अपेक्षित साथ दिली नाही. त्यानंतर अधूनमधून झालेल्या पावसाच्या जोरावर शेतकऱ्यांनी पेरणीची कामे उरकली. मात्र, पिकांना पुढच्या टप्प्यात पावसाची गरज असताना पुन्हा पावसाने पाठ फिरवल्याने शेतकऱ्यांची चिंता वाढली आहे.

नेहमी जून, जुलै आणि ऑगस्ट या तीन महिन्यांत जिल्ह्यात सरासरी 719.03 मिमी पाऊस अपेक्षित असतो. मात्र यंदा या तीन महिन्यांत केवळ 491.02 मिमी पाऊस झाला. म्हणजेच सरासरीच्या तुलनेत पावसाचे प्रमाण मोठ्या प्रमाणात कमी राहिले.

चार महिन्यांत 36.92 टक्के पावसाची तूट

सप्टेंबर महिन्यात तरी पावसाची तूट भरून निघेल, अशी अपेक्षा होती. मात्र सप्टेंबरनेही निराशाच केली. जून ते सप्टेंबर या चार महिन्यांत जिल्ह्यात 874.05 मिमी पाऊस अपेक्षित होता. प्रत्यक्षात मात्र 558.03 मिमी पाऊस नोंदवला गेला.

Wardha News : वर्ध्यात दुष्काळाचं संकट! पीक नुकसानीचे पंचनामे सुरू, १० ऑक्टोबरला अहवाल

त्यामुळे चार महिन्यांच्या कालावधीत जिल्ह्याच्या पर्जन्यमानात तब्बल 36.92 टक्के तूट राहिली आहे. सप्टेंबरमध्येही पावसाची कमतरता वाढल्याने आगामी काळातील पाणीस्थितीबाबत प्रशासन आणि नागरिकांची चिंता वाढली आहे.

हिंगणघाटची स्थिती सर्वाधिक चिंताजनक

तालुकानिहाय आकडेवारी पाहिली तर हिंगणघाटमध्ये केवळ 47 टक्के पर्जन्यमान नोंदवले गेले आहे. त्यानंतर सेलूमध्ये 63.08 टक्के आणि समुद्रपूरमध्ये 63.03 टक्के पाऊस झाला.

आर्वीमध्ये 69.06 टक्के, देवळीमध्ये 70.05 टक्के, वर्ध्यात 75.01 टक्के, आष्टीमध्ये 76.06 टक्के, तर कारंजामध्ये 82.03 टक्के पर्जन्यमानाची नोंद झाली.

जलाशयही फुल्ल नाहीत; पाणी वापराबाबत सावध राहण्याची गरज

पावसाने दडी मारल्याचा फटका केवळ शेतीला बसलेला नाही, तर जिल्ह्यातील मोठे आणि मध्यम जलाशयही अपेक्षेप्रमाणे भरलेले नाहीत. त्यामुळे पुढील काळात पिण्याच्या पाण्यासह शेतीसाठीच्या पाण्याचे नियोजन महत्त्वाचे ठरणार आहे.

ऑक्टोबरमध्ये पाऊस चांगला होईल की नाही, याची सध्या कोणतीही शाश्वती नाही. त्यामुळे उपलब्ध पाण्याचा वापर आत्तापासूनच जपून करणे गरजेचे आहे. पावसाची तूट अशीच कायम राहिली तर आगामी काळात जलसंकटाची चाहूल अधिक तीव्र होण्याची शक्यता आहे.

Wardha News : अवैध खनिज उत्खननावर मोठी कारवाई; ५२ प्रकरणे उघड, १७.९९ कोटींचा दंड, ४९ वाहने जप्त

तालुकानिहाय झालेल्या पर्जन्यमानाची टक्केवारी