Washim: रस्त्यावर ऑटो लावल्याने चालकावर हल्ला, रिसोडच्या छत्रपती शिवाजी महाराज चौकातील घटना; पोलिसात तक्रार दाखल

Risod Auto Driver Attack Crime News: रिसोडच्या छत्रपती शिवाजी महाराज चौकात दुचाकी रस्त्याच्या कडेला लावण्याच्या कारणावरून ऑटोचालक अरुण फुके यांना शिवीगाळ करून त्यांच्यावर प्राणघातक हल्ला केल्याचा आरोप करण्यात आला आहे.

• छत्रपती शिवाजी महाराज चौकातील घटना
• रिसोडमध्ये ऑटोचालकावर हल्ल्याचा आरोप
• सीसीटीव्ही तपासून कारवाईची मागणी

रिसोड: शहरातील छत्रपती शिवाजी महाराज चौकात ऑटोचालकाला शिवीगाळ करून त्यावर प्राणघातक हल्ला केल्याची गंभीर घटना घडली. या प्रकरणी साईलीला ऑटी युनियन, रिसोडच्या वतीने रिसोड पोलिस ठाण्यात लेखी तक्रार दाखल करून कठोर कारवाईची मागणी करण्यात आली. साईलीला ऑटो युनियनने दिलेल्या तक्रारीनुसार, गुरुवारी सकाळी १०.३० वाजता नेहमीप्रमाणे छत्रपती शिवाजी महाराज चौकात ऑटो लावले असताना, प्रभाकर नत्थूजी इंगळे यांनी आपली दुचाकी रस्त्याच्या मधोमध उभी केली होती. त्यामुळे वाहतुकीला अडथळा होत असल्याने युनियनच्या सदस्य अरुण फुके यांनी ती दुचाकी रस्त्याच्या कडेला लावली.

Buldhana: लेखी आश्वासनाने ग्रामस्थांचे बेमुदत उपोषण मागे; आमदारांच्या हस्ते घेतले लिंबूपाणी, ५ रस्त्यांचे भाग्य मार्चपर्यंत उजळणार

या कारणावरून प्रभाकर इंगळे यांनी शिवीगाळ केली. त्यानंतर सुमारे २० मिनिटांनी प्रभाकर इंगळे व त्यांची दोन मुले यांनी कोणतेही कारण नसताना अरुण फुके या ऑटो चालकावर अचानक प्राणघातक हल्ला केला. असा आरोप तक्रारीत करण्यात आला. यावेळी तक्रारकर्ते साईलिला ऑटो युनियन अध्यक्ष राहुल जुमडे, भारत मोठे, अरुण फुके, लक्ष्मण फुके, भगवान तेलगे, रमेश पवार, सुरेश पवार, विठ्ठल दवंड, दीपक दालवे, कतोशीप, भीमराव शिरसाठ, अशोक खंदारे, आदी युनियन सदस्य पदाधिकारी उपस्थित होते.

सीसीटीव्ही फुटेज तपासा, न्याय द्या..!

ही संपूर्ण घटना पोलिस स्टेशनकडून बगडिया यांच्या घरावर लावण्यात आलेल्या सीसीटीव्ही कॅमे-यात कैद झाली. त्यामुळे ते फुटेज तपासून संबंधित व्यक्तीवर कठोर कारवाई करून साईलीला ऑटो युनियनच्या सदस्यांना न्याय द्यावा, अशी मागणी साईलिला ऑटी युनियन अध्यक्ष राहुल जुमडे वानी रामेश्वर चव्हाण ठाणेदार रिसोड यांच्याकडे केली. या घटनेमुळे रिसोडमधील ऑटोचालकमाये संतापाचे वातावरण असून, शहरातील वाढत्या दादागिरीला आळा घालण्याची मागणी होत आहे.

Buldhana News: १० दिवसांत जलसाठा ३ % घटला, बुलढाणा जिल्ह्यात पाणीटंचाईचे संकट गडद होण्याची शक्यता