(फोटो सौजन्य- इन्स्टाग्राम)
आपला माणूस म्हणून ओळखला जाणारा अभिनेता शिव ठाकरे नुकताच प्रेक्षकांच्या भेटीला आला आहे एक दमदार आणि धुंवाधार गाण्यासह. जगभरात गाजलेल्या ‘धुरंधर’ गाण्याचं मराठी व्हर्जन असलेलं “मी धुरंधर” हे गाणं सध्या सारेगम मराठी च्या यूट्यूब आणि सोशल मीडियावर धुमाकूळ घालतंय.
गाण्याचं मुख्य आकर्षण म्हणजे प्रेक्षकांचा लाडका शिव ठाकरे या गाण्यात प्रमुख भूमिकेत दिसतोय. “मी धुरंधर” हे गाणं शिवसोबत चित्रित झालं असून त्याचा दमदार अभिनय आणि उत्साही परफॉर्मन्स सोशल मीडियावर चाहत्यांचे लक्ष वेधून घेत आहे. चाहते या गाण्याचा आनंद घेत आहेत आणि सोशल प्लॅटफॉर्मवर त्यावर प्रतिक्रिया व्यक्त करत आहे.
कुस्तीच्या आखाड्यात शिवचा रुबाबदार आणि दमदार अंदाज या गाण्यात बघायला तर मिळतोय पण धुरंधर गाण्याप्रमाणे त्याचं मराठी व्हर्जन देखील चर्चेचा विषय ठरतोय. सारेगम मराठी नेहमीच वैविध्यपूर्ण गाणी नव्या ट्रेंडिंग अंदाजात प्रेक्षकांच्या भेटीला घेऊन येत असतात.
मी धुरंधर गाण्याबद्दल बोलताना शिव ठाकरे सांगतो ” ज्या गाण्याने सगळे वर्ल्ड रेकॉर्ड तोडले जगभरात ट्रेंड होऊन ज्या गाण्याचं कौतुक झालं अश्या धुरंधरच मराठी व्हर्जन असलेल्या मी धुरंधर हे गाणं आपल्याला करायचं हे समजल्यावर थोड दडपण आलं होत पण या गाण्याचं आपलं मराठमोळं ट्विस्ट असलेलं गाणं करण्याची संधी मला या निमित्तानं मिळाली. कुस्तीच्या आखाड्यात आपली मराठी संस्कृती जपून हे मराठमोळं गाणं शूट करताना माझ्या अंगावर शहारे आले होते आपली संस्कृती जपून मला मी धुरंधर हे गाणं करायला मिळालं याचा जास्त अभिमान आहे”
मराठमोळं मी धुरंधर सोशल मीडियावर ट्रेंड धुमाकूळ घालत असताना पुन्हा एकदा मराठी प्रेक्षकांना आपलं काहीतरी देण्याचा प्रयत्न यातून करण्यात आला आणि तो यशस्वी देखील ठरला.
.png "Videos"){kind=small}
