न्यूझीलंडच्या रेस्टॉरंटमधून विराट-अनुष्काला दिलं होत हाकलून? क्रिकेटरने सांगितला ‘तो’ धक्कादायक किस्सा

जेमिमा रॉड्रिग्सने विराट कोहली आणि अनुष्का शर्मा यांच्यासोबत न्यूझीलंडमध्ये कॅफेमधील एक भेटीचा किस्सा सांगितला. तो किस्सा ऐकून आता सगळेच चकीत झाले आहेत. ते नक्की काय म्हणाले आहेत आपण जाणून घेणार आहोत.

• न्यूझीलंडच्या रेस्टॉरंटमधून विराट-अनुष्काला दिलं हाकलून?
• क्रिकेटरने सांगितला ‘तो’ धक्कादायक किस्सा
• काय म्हणाली महिला क्रिकेटर?

अनुष्का शर्मा आणि विराट कोहली यांच्याबद्दल अनेक अफवा आहेत, जरी त्यांना त्यांचे वैयक्तिक आयुष्य प्रसिद्धीपासून दूर ठेवायला आवडते. अनेक बातम्यांमध्ये असा दावा केला जात आहे की त्यांच्या दुसऱ्या मुलाच्या जन्मानंतर हे जोडपे लंडनला स्थलांतरित झाले. त्यांनी त्यांच्या मुलांसाठी ‘नो फोटो पॉलिसी’ काटेकोरपणे स्वीकारली आहे. आता या जोडप्याबद्दल एक बातमी व्हायरल होत आहे, ज्यामध्ये असा दावा केला जात आहे की न्यूझीलंडमधील एका कॅफेच्या कर्मचाऱ्यांनी त्यांना बाहेर काढले.

विराट कोहली आणि अनुष्का शर्मा सारख्या व्यक्तिमत्त्वांना कॅफेमधून बाहेर काढण्याच्या बातम्या धक्कादायक आहेत. हिंदुस्तान टाईम्सच्या वृत्तानुसार, कॅफेच्या कर्मचाऱ्यांनी अनुष्का आणि विराटला भारतीय महिला क्रिकेट स्टार जेमिमा रॉड्रिग्जसोबतचे त्यांचे संभाषण थोडे लांबले होते म्हणून तेथून निघून जाण्यास सांगितले. जेमिमा रॉड्रिग्ज यांनी अलीकडेच मॅशेबल इंडियाच्या यूट्यूब चॅनलवर या मजेदार घटनेचे तपशीलवार वर्णन केले.

नेहल, फरहाना नाही तर ‘या’ सुंदरीच्या मागे आहे बसीर अली, ‘बिग बॉस’च्या घरात दिसला नवा लव्ह अँगल

जेव्हा या जोडप्याने जेमिमा रॉड्रिग्जसोबत खास भेट घेतली
जेमिमाने सांगितलं, “पहिल्या अर्ध्या तासात आम्ही फक्त क्रिकेटबद्दल बोललो. त्यावेळी विराटने स्मृती आणि मला एक खूपच मोठी गोष्ट सांगितली. तो म्हणाला, ‘तुम्हा दोघींमध्ये महिला क्रिकेटचा चेहरा बदलण्याची ताकद आहे आणि मला तसं होताना दिसत आहे.” विराट कोहलीच्या या वक्तव्याने जेमिमा आणि स्मृतीला खूप प्रोत्साहन मिळालं, असं ती म्हणाली.

जेमिमाने पुढे सांगितलं की, क्रिकेटवर बोलणं झाल्यावर, ते चार तास आयुष्याबद्दल बोलत होते. तिला असं वाटलं की, जसे काही जुने मित्र खूप वर्षांनी भेटले आहेत आणि गप्पा मारत आहेत. ती हसत म्हणाली, “आम्ही इतक्या गप्पा मारत होतो की, कॅफेच्या कर्मचाऱ्यांनी आम्हाला बाहेर काढलं, तेव्हाच आम्ही थांबलो.”

ऐश्वर्याच्या वैयक्तिक हक्कांवर दिल्ली उच्च न्यायालयाचा मोठा निर्णय, AI जनरेटेड कंटेंटवर केली बंदी

२०१३ मध्ये एका जाहिरातीच्या शूटिंग दरम्यान अनुष्का आणि विराटची भेट झाली. सुमारे चार वर्षे डेटिंग केल्यानंतर डिसेंबर २०१७ मध्ये या जोडप्याने इटलीमध्ये लग्न केले. जानेवारी २०२१ मध्ये अनुष्काने तिच्या पहिल्या बाळाला वामिकाला जन्म दिला. १५ फेब्रुवारी २०२४ रोजी ते मुलगा अकायचे पालक झाले. अनुष्का शर्मा पुढील चित्रपट ‘चकदा एक्सप्रेस’ मध्ये दिसणार आहे, ज्यामध्ये ती झुलन गोस्वामीची भूमिका साकारत आहे.