(फोटो सौजन्य - इन्स्टाग्राम)
धनुषचा ‘कुबेर’ हा चित्रपट आज २० जून रोजी थिएटरमध्ये प्रदर्शित झाला आहे. या चित्रपटात तो साऊथ सुपरस्टार नागार्जुनसोबत दिसत आहे. या चित्रपटाची सुरुवात खूप चांगली झाली आहे असे सांगितले आहे. ‘फिदा’ सारखा हिट चित्रपट बनवणारे शेखर कमुला यांनी याचे दिग्दर्शन केले आहे आणि रश्मिका मंदान्ना देखील या आगामी चित्रपटामध्ये महत्त्वाची भूमिका साकारत आहे. हा चित्रपट अ‍ॅक्शन आणि इमोशनने भरलेला आहे, ज्याची कथा सामाजिक आणि राजकीय कथेवर आधारित आहे.
चित्रपटाला मिळाल्या चाहत्यांच्या प्रतिक्रिया
चित्रपट प्रदर्शित होताच प्रेक्षकांनी पहिल्याच शोमध्ये तो पाहिला आणि सोशल मीडियावर त्याचे पुनरावलोकन देण्यास सुरुवात केली. लोकांना हा चित्रपट कसा वाटला ते जाणून घेऊया. अनेक प्रेक्षकांनी या चित्रपटाला चांगला प्रतिसाद दिला आहे. एका प्रेक्षकांनी एक्स अकाउंटवर लिहिले, “कुबेरा हा एक हृदयस्पर्शी चित्रपट आहे. धनुषचा अभिनय उत्कृष्ट आहे, कदाचित त्याचा आतापर्यंतचा सर्वोत्तम अभिनय आहे. चित्रपट थोडा मोठा आहे पण त्यात असे अनेक दृश्य आहेत जे तुम्हाला आठवतील. हा चित्रपट पूर्णपणे मनोरंजक आहे.” असे त्याने लिहिले.
ABCD फेम अभिनेत्री Lauren Gottlieb ने गुपचूप उरकलं लग्न, लग्नातले फोटो व्हायरल!
धनुषच्या अभिनयाचे कौतुक करताना दुसऱ्या एका प्रेक्षकांनी लिहिले, “धनुष भाईचा अभिनय किती अद्भुत आहे. कुबेरा हा एक ब्लॉकबस्टर चित्रपट आहे. नक्की पहा. टोटल पैसा वसूल.” दुसऱ्या एका चाहत्याने म्हटले, “कुबेरा हा अलिकडच्या काळातील सर्वोत्तम चित्रपटांपैकी एक आहे. शेखर कम्मुला यांचे उत्तम दिग्दर्शन, धनुष यांचा अद्भुत अभिनय, नागार्जुन यांची दमदार भूमिका आणि देवी श्री प्रसाद यांचे अद्भुत संगीत, प्रत्येक दृश्य मजेदार आहे, एकही दृश्य कंटाळवाणे नाही.” असे चाहत्याने लिहिले.
#Kuberaa wins your heart, powered by Dhanush’s phenomenal, arguably, career-best performance. Despite minor flaws with length, the film delivers plenty of memorable moments, making it a thoroughly enjoyable watch! ❤️❤️❤️❤️ pic.twitter.com/zqDVjS6owv — LetsCinema (@letscinema) June 20, 2025
दुसऱ्या एका युजरने लिहिले, “चित्रपटाचा दुसरा भाग खूप चांगला आहे, पण शेवटचे काही मिनिटे थोडे कमकुवत वाटतात. शेखर कमुलाने चित्रपटाची गती चांगली राखली आहे, पण क्लायमॅक्स थोडा अपूर्ण वाटतो. तरीही, संपूर्ण चित्रपट भावनांनी भरलेला आहे आणि हृदयाला स्पर्श करतो. धनुषचा अभिनय उत्कृष्ट आहे, नागार्जुन आणि रश्मिका देखील उत्कृष्ट आहेत. माझ्यासाठी, हा २०२५ मधील आतापर्यंतचा सर्वोत्तम तेलुगू चित्रपट आहे. जरूर पहा.” असे चाहत्याने लिहिले.
Vivek Lagoo : ज्येष्ठ अभिनेते आणि रिमा लागू यांचे पती विवेक लागू यांचं निधन, मनोरंजन विश्वावर शोककळा
चित्रपटाबद्दल काही अधिक माहिती
‘कुबेर’ चित्रपटात धनुष एका भिकाऱ्याची भूमिका साकारत आहे जो व्यवस्थेशी लढतो. नागार्जुन चित्रपटात खलनायकाची भूमिका साकारत आहे आणि रश्मिका मंदान्ना देखील चित्रपटाच्या मुख्य कलाकारांमध्ये आहे. हा चित्रपट शेखर कम्मुला यांनी दिग्दर्शित केला आहे. हा चित्रपट सिनेमागृहात चांगली कमाई करत आहेत.
