रविवार, 15 नोव्हेंबर 2026
(फोटो सौजन्य - इन्स्टाग्राम)
Nawazuddin Siddiqui यांच्या ‘मैं एक्टर नहीं हूं’चा टीझर रिलीज; चित्रपट ‘या’ दिवशी होणार प्रदर्शित
रणबीर कपूर ‘रामायण’बद्दल काय म्हणाला?
‘रामायण’चा पहिला लूक प्रदर्शित होण्यापूर्वी, दिग्दर्शक नितेश तिवारी, निर्माता नमित मल्होत्रा आणि अभिनेता रणबीर सिंग लॉस एंजेलिसला गेले होते. निर्मात्यांनी निवडक लोकांना चित्रपटाची पहिली झलक दाखवली. या कार्यक्रमात, तिन्ही कलाकारांना चित्रपटाबद्दल अनेक प्रश्न विचारण्यात आले. रणबीर कपूरलाही प्रभू रामाशी संबंधित एक प्रश्न विचारण्यात आला. या कार्यक्रमात, रणबीरने प्रभू रामाची भूमिका साकारण्याबद्दल आपले विचार व्यक्त केले. लाँचप्रसंगी बोलताना रणबीर कपूर म्हणाला की, प्रभू राम हे केवळ एक पौराणिक पात्र किंवा ‘चेतनेचे रक्षक’ नव्हते, तर त्यांनी पाश्चात्य प्रेक्षकांना ‘मर्यादा पुरुषोत्तम’ या संकल्पनेची ओळख करून दिली, ज्याचा अर्थ आदर्श पुरुष असा होतो.
रणबीर कपूरने प्रभू रामाच्या प्रतिमेचे वर्णन केले
रणबीर कपूर पुढे म्हणाला की, राम हे शतकानुशतके आणि त्याही आधीपासून जगभरातील अब्जावधी लोकांचे मार्गदर्शक राहिले आहेत. ते आपल्याला संकटाच्या काळात माणुसकी शिकवतात. ते करुणा, धैर्य, नीतिमत्ता आणि क्षमाशीलतेचे प्रतीक आहेत. त्यांना मर्यादा पुरुषोत्तम म्हटले जाते, म्हणजेच आदर्श पुरुष.
रामायण कधी होणार प्रदर्शित?
रणबीर कपूर आणि साई पल्लवी यांच्या ‘रामायण’ चित्रपटाचा पहिला भाग २०२६ च्या दिवाळीत प्रदर्शित होईल. दुसरा भाग २०२७ मध्ये प्रदर्शित होईल. निर्मात्यांनी या चित्रपटासाठी एक मोठी स्टारकास्ट जमवली आहे. रणबीर आणि साई पल्लवी यांच्या व्यतिरिक्त, अभिनेता यश रावणाची भूमिका साकारणार असून, सनी देओल हनुमानाच्या भूमिकेत दिसणार आहे.
