Saif Ali Khan Discharged: चाकू हल्ल्याच्या पाच दिवसांनंतर सैफ सुखरूप घरी परतला, रुग्णालयातून मिळाला डिस्चार्ज!

बॉलिवूड अभिनेता सैफ अली खानला रुग्णालयातून डिस्चार्ज देण्यात आला आहे. चाकू हल्ल्याच्या घटनेच्या पाच दिवसांनी अभिनेत्याला रुग्णालयातून डिस्चार्ज देण्यात आला. अभिनेता अखेर त्याच्या घरी सुखरूप परतला आहे.

(फोटो सौजन्य - सोशल मीडिया)

Follow Us:

Follow Us:

चाकू हल्ल्याच्या घटनेनंतर जवळपास पाच दिवसांनी बॉलिवूड अभिनेता सैफ अली खानला रुग्णालयातून डिस्चार्ज देण्यात आला आहे. आज मंगळवार २१ जानेवारी रोजी हा अभिनेता त्याच्या घरी परतला आहे. हल्ल्यानंतर तो उपचारासाठी लीलावस्थी रुग्णालयात पोहोचला अशी माहिती आहे. सुमारे पाच दिवस रुग्णालयात राहिल्यानंतर तो अखेर आज घरी परतला आहे. अभिनेत्याची प्रकृती सुधारत आहे. अभिनेत्याला डिस्चार्ज मिळाला या बातमीने त्याच्या चाहत्यांना देखील आनंद झाला आहे.

Sagarika Ghatge: ‘चक दे ​​इंडिया’ ची सुंदर खेळाडू मोठ्या पडद्यावर दुसऱ्यांदा परतणार; सागरिका घाटगे राजस्थानी लुकमध्ये झळकणार!

या हल्ल्यात अभिनेता गंभीर जखमी झाला
१६ जानेवारी रोजी सकाळी हल्लेखोराने सैफ अली खानवर अनेक वार केले. अभिनेता गंभीर जखमी झाला. त्याच्या मानेला आणि पाठीच्या कण्याला गंभीर दुखापत झाली. त्यांच्यावर लीलावती रुग्णालयात उपचार करण्यात आले, जिथे त्यांच्यावर अनेक तास शस्त्रक्रिया करण्यात आली. या हल्ल्यात सैफला तीन ठिकाणी दुखापत झाल्याचे डॉक्टरांनी सांगितले. हातात दोन जखमा झाल्या होत्या आणि एक मानेच्या उजव्या बाजूला जखम झाली होती. याशिवाय पाठीच्या कण्याला गंभीर दुखापत झाली. सध्या सैफ धोक्याबाहेर आहे. आज, अभिनेत्याला डिस्चार्ज देण्यात आला आहे. त्यांच्या ‘सतगुरु शरण’ या निवासस्थानाजवळ कडक सुरक्षा व्यवस्था आणि पोलिस बंदोबस्त तैनात करण्यात आला आहे.

पाठीच्या कण्यातून तीक्ष्ण वस्तू काढली
सैफ अली खानच्या शस्त्रक्रियेदरम्यान, डॉक्टरांनी त्याच्या पाठीच्या कण्यामध्ये अडकलेली एक धारदार वस्तू काढली. शस्त्रक्रियेनंतर, १७ जानेवारी रोजी सैफ अली खानला आयसीयूमध्ये हलवण्यात आले. यानंतर त्याला एका सामान्य खोलीत हलवण्यात आले. सुमारे पाच दिवसांनंतर, सैफला घरी पाठवण्यात आले आहे. सध्या त्यांची प्रकृती पूर्वीपेक्षा चांगली आहे. सैफची पत्नी आणि अभिनेत्री करीना कपूर अभिनेत्याला घेण्यासाठी रुग्णालयात पोहचली होती.

एका आरोपीला अटक
पोलिस चाकू हल्ल्याच्या घटनेचा प्रत्येक कोनातून तपास करत आहेत. रविवारी पोलिसांनी आरोपी शरीफुल इस्लाम शहजाद मोहम्मदला ठाणे येथून अटक केली. पोलिसांनी दिलेल्या माहितीनुसार, आरोपी बांगलादेशचा नागरिक आहे आणि त्याने बेकायदेशीरपणे भारतात प्रवेश केला होता. ३० वर्षीय शहजाद चोरीच्या उद्देशाने सैफ अली खानच्या घरात घुसला होता.

JPEGMafia Berlin: अमेरिकन रॅपरच्या बर्लिन कॉन्सर्टमध्ये अनेक जण जखमी, पेपर स्प्रेमुळे परिस्थिती आणखी खवळली

डॉक्टरांनी सैफच्या धाडसाला सलाम केला
घटनेनंतर सैफ अली खान ऑटोने लीलावती रुग्णालयात पोहोचला. अभिनेत्याला रुग्णालयात घेऊन जाणारे ऑटो चालक भजन सिंग राणा यांच्या मते, अभिनेत्याचा पांढरा कुर्ता पूर्णपणे रक्ताने माखला होता. ऑटोमध्ये बसलेली व्यक्ती बॉलीवूड अभिनेता आहे हे त्याच्या लक्षात आले नाही. ड्रायव्हरच्या म्हणण्यानुसार, रुग्णालयात पोहोचल्यानंतर सैफ अली खानने गार्डला फोन केला आणि म्हणाला, ‘माझ्यासाठी स्ट्रेचर आणा, मी सैफ अली खान आहे’. त्यावेळी या ऑटो चालकाला अभिनेत्याची ओळख पटल. याच कामामुळे लीलावती रुग्णालयाच्या डॉक्टरांच्या मते, ‘सैफ अली खान जखमी अवस्थेत सिंहासारखा आला’. असे त्यांचे मत आहे. डॉक्टरांनी त्याच्या धाडसाचे कौतुक केले.

Web Title: Saif ali khan attack case actor discharged from lilavati hospital six days after knife attack

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com