Retro: सूर्याने ख्रिसमसनिमित्त चाहत्यांना दिले सरप्राईज; टीझरसह ४४ व्या चित्रपटाचे नाव केले अनावरण!

सूर्या आणि दिग्दर्शक कार्तिक सुब्बाराज यांच्या आगामी चित्रपटाचे नाव आता समोर आले आहे. या चित्रपटात पूजा हेगडेही दिसणार आहे. ख्रिसमसच्या मुहूर्तावर या चित्रपटाच्या नावासह एक टीझरही प्रदर्शित करण्यात आला आहे.

फोटो सौजन्य - Social Media

Follow Us:

Follow Us:

सूर्या आणि दिग्दर्शक कार्तिक सुब्बाराज यांच्या बहुप्रतिक्षित चित्रपटाचे नाव अखेर समोर आले आहे. या चित्रपटाला ‘रेट्रो’ असे नाव देण्यात आले आहे. यासह, निर्मात्यांनी ख्रिसमसच्या निमित्ताने एक रोमांचक शीर्षक प्रोमो देखील जारी केला आहे. ‘रेट्रो’ हा एक गँगस्टर ड्रामा असून, त्यात पूजा हेगडेही महत्त्वाच्या भूमिकेत दिसत आहे. अभिनेत्याने ख्रिसमसनिमित्त चाहत्यांना खास भेट दिली आहे. सूर्याचा हा ४४ वा चित्रपट आहे. ज्यामध्ये अनेक कलाकार झळकताना दिसणार आहेत. या चित्रपटाचा टीझर पाहताच चाहत्यांमध्ये चित्रपटाची उत्सुकता वाढली आहे.

सूर्या-पूजा यांनी चित्रपटाची शेअर केली पहिली झलक
सुर्याने त्याच्या अधिकृत X हँडलवर शीर्षक टीझरची लिंक शेअर केली आणि लिहिले, “प्रत्येकाला ख्रिसमसच्या शुभेच्छा. रेट्रो 2025 च्या उन्हाळ्यात लवकरच भेटू…. पूजा हेगडेने तिच्या सोशल मीडिया हँडलवर चित्रपटाची झलक देखील शेअर केली आहे.’ चाहते या चित्रपटाच्या पोस्टरला चांगला प्रतिसाद देत आहेत.

Merry Christmas Dear All 🌲#Retro Summer 2025https://t.co/Kh8KPEAdrf

Meet y’all soon!@karthiksubbaraj @hegdepooja @C_I_N_E_M_A_A @Music_Santhosh @kshreyaas @rajsekarpandian @kaarthekeyens@2D_ENTPVTLTD @stonebenchers pic.twitter.com/UUljLf0pEQ

— Suriya Sivakumar (@Suriya_offl) December 25, 2024

टीझरमध्ये सूर्याची दमदार स्टाईल दिसत आहे
दोन मिनिटे आणि पाच सेकंदांच्या या टीझरमध्ये बनारसमधील घाटाच्या काठावर सूर्या आणि पूजा हेगडे यांची पात्रे बसलेली दाखवण्यात आली आहेत. पूजा फिकट गुलाबी रंगाच्या साडीत तर सूर्या काळ्या रंगाच्या कुर्त्यात दिसत आहे. पूजा हातावर पवित्र धागा बांधते. सूर्य तिच्या डोळ्यात पाहतो आणि तमिळमध्ये म्हणतो, “मी माझ्या रागावर नियंत्रण ठेवेन. मी माझ्या वडिलांसोबत काम करणे सोडून देईन. हिंसाचार, गुंडगिरी, लाठीमार—मी आता सर्व काही सोडून देईन. मी हसण्याचा आणि आनंदी राहण्याचा प्रयत्न करेन. “मी प्रयत्न करेन. माझ्या आयुष्याचा उद्देश निव्वळ प्रेम आहे. आता मला सांगा, लग्न करायचं का?’ असे म्हणताना अभिनेता दिसत आहे.

अल्लू अर्जुनशी संबंधित प्रकरणात पोलिसांचा इशारा, चुकीची व्हिडिओ-माहिती पसरवणाऱ्यांवर होणार कारवाई!

‘कांगुवा’ चित्रपटात दिसला होता सूर्या
सूर्या शेवटचा ‘कंगुवा’ चित्रपटात दिसला होता. या चित्रपटात बॉबी देओलने खलनायकाची भूमिका साकारली होती. हा चित्रपट मोठ्या बजेटमध्ये बनवण्यात आला होता. मात्र, हा चित्रपट प्रेक्षकांना अजिबात आवडला नाही. हा चित्रपट बॉक्स ऑफिसवर चांगलाच फ्लॉप झाला. हा चित्रपटाने सिनेमागृहात चांगली कमाई केली नाही. आणि या चित्रपटाचे निर्माते चांगलेच निराश झाले.

Web Title: Suriya 44th film with pooja hegde titled retro directed by karthik subbaraj

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com