(फोटो सौजन्य- इन्स्टाग्राम)
दिल्ली उच्च न्यायालय अभिनेता राजपाल यादव यांच्याशी संबंधित चेक बाऊन्स प्रकरणाची सुनावणी दिली आहे. अभिनेत्याला आता न्यायालयाकडून मोठा दिलासा मिळाला आहे. न्यायालयाने अभिनेत्याच्या वकिलांना पुढील तारखेला मुख्य याचिकेवर आपला युक्तिवाद सादर करण्याचे निर्देश दिले आहेत. तसेच, राजपाल यादव यांचा अंतरिम जामीन १ एप्रिलपर्यंत वाढवण्यात आली आहे.
राजपाल यादव यांचे चेक बाऊन्स प्रकरण नक्की काय?
खरं तर, २०१० मध्ये, अभिनेत्याने “आता पता लपता” या दिग्दर्शनात पदार्पण करण्यासाठी दिल्ली मुरली प्रोजेक्ट्स प्रायव्हेट लिमिटेडकडून ५ कोटी रुपयांचे कर्ज घेतले. हा चित्रपट प्रदर्शित होताच फ्लॉप झाला आणि त्याचे मोठे नुकसान झाले. व्याज आणि दंडासह ही रक्कम ९ कोटी रुपयांपर्यंत वाढली. कर्ज फेडण्यासाठी राजपालने दिलेले चेक बाऊन्स झाले, ज्यामुळे त्याच्याविरुद्ध अनेक खटले सुरू झाले. ५ फेब्रुवारी रोजी त्याला तुरुंगात टाकण्यात आले. तुरुंगात जाण्यापूर्वी, अभिनेत्याने एका मुलाखतीत सांगितले की त्याच्याकडे दुसरा कोणताही पर्याय नव्हता.
९ कोटी रुपयांचे कर्ज फेडण्यात अयशस्वी ठरल्याने राजपाल यादव यांना तुरुंगवास झाला होता. २०१० च्या एका चेक बाऊन्स प्रकरणी त्यांनी ५ फेब्रुवारी रोजी तिहार तुरुंगात आत्मसमर्पण केले. त्यानंतर दिल्ली उच्च न्यायालयाने चेक बाऊन्स प्रकरणातील राजपाल यादव यांची शिक्षा १८ मार्चपर्यंत स्थगित केली. त्यांना काही अटींसह जामीन मंजूर करण्यात आला आहे. आता या प्रकरणाची पुन्हा दिल्ली उच्च न्यायालयात सुनावणी होणार आहे.
‘सरके चुनर तेरी’ गाण्यावर बंदी; संसदेत गदारोळ, अश्विनी वैष्णव यांनी करून दिली नियमांची आठवण
तुरुंगातून सुटल्यानंतर कंटेंट क्रिएटर बनला अभिनेता
राजपाल यादव जामिनावर सुटल्यानंतर अभिनेत्याने सोशल मीडियावर कंटेंट क्रिएटर बनण्याचा चाहत्यांना इशारा दिला. त्यांनी चाहत्यांना सांगितले की ते आता त्यांच्या यूट्यूब चॅनलवर कंटेंट तयार करून त्यांचे मनोरंजन करणार आहे. तसेच ते चित्रपटांमध्येही सक्रियपणे सहभागी घेताना दिसणार आहेत. ते लवकरच अक्षय कुमारच्या ‘भूत बंगला’ या हॉरर-कॉमेडी ड्रामामध्येही दिसणार आहेत.
.png "Videos"){kind=small}
