बुधवार, 21 ऑक्टोबर 2026
(फोटो सौजन्य- सोशल मीडिया)
बॉलीवूड अभिनेत्री राधिका आपटे सध्या चर्चेत आहे, त्याचे कारण आहे तिचे वैयक्तिक आयुष्य. जेव्हापासून तिने प्रेग्नेंट असल्याचे जाहीर केली तेव्हापासून लोक तिच्या पतीबद्दल जाणून घेण्यास उत्सुक आहेत. अभिनेत्रीने तिचे लग्न अनेक वर्षांपासून लपवून ठेवले होते परंतु तिने काही वर्षांपूर्वीच आपल्या लग्नाबद्दल खुलासा केला होता. अलीकडेच तिने एका इव्हेंटमध्ये तिच्या प्रेग्नेंसीची घोषणाही केली आहे. लग्नाच्या 12 वर्षानंतर ती आई होणार आहे. दरम्यान, लोक तिच्या पतीबद्दल जाणून घेण्यासाठी आतुर आहेत. ती तिच्या आयुष्यातील आणखी एक नवीन अध्याय सुरू करणार आहे.
राधिका आपटेच्या पतीचे नाव बेनेडिक्ट टेलर आहे. फिल्मी दुनियेत आल्यानंतर त्यांनी 2012 मध्ये गुपचूप लग्न केले. त्यानंतर 2013 मध्ये त्यांचे अधिकृत लग्न झाले. मात्र, राधिका विवाहित असल्याचे फार कमी लोकांना माहिती आहे.
राधिकाच्या लग्नाबद्दल लोकांना माहिती नाही
राधिका आपटेचे लग्न आणि नवरा याबद्दल फार कमी लोकांना माहिती आहे. त्याचे सर्वात मोठे कारण म्हणजे त्याचे वैयक्तिक आयुष्य लाइमलाइटपासून दूर ठेवणे. राधिका सोशल मीडियावरही पती बेनेडिक्टसोबतचे अनेक फोटो शेअर करत नाही. तिने काही वर्षांपूर्वी एका मुलाखतीत तिचे लग्न झाल्याचा खुलासा केला होता.
बेनेडिक्ट टेलर कोण आहे?
राधिकाच्या प्रेग्नेंसीच्या घोषणेनंतर, बेनेडिक्ट टेलर कोण आहे हे जाणून घेण्यासाठी लोकांना उत्सुकता निर्माण झाली आहे. राधिकाचे पती बेनेडिक्ट हे ब्रिटिश व्हायोलिन वादक, संगीतकार आहेत. त्यांनी अनेक हॉलिवूड चित्रपटांमध्ये काम केले आहे. एवढेच नाही तर त्यांनी भारतीय चित्रपटांमध्येही योगदान दिले आहे. त्यांनी उडता पंजाब, कोहरा, हीरामंडी, न्यूटन, लाल कप्तान, किलर सूप, घोस्ट स्टोरी यांसारख्या चित्रपट आणि मालिकांसाठी संगीत दिले आहे.
हे देखील वाचा – राधिका आपटे लवकरच होणार आई, लंडन फिल्म फेस्टिव्हलमध्ये अभिनेत्रीने फ्लॉन्ट केला क्युट बेबी बंप!
राधिकाने व्हिसासाठी केले लग्न
राधिका आणि बेनेडिक्ट यांची पहिली भेट 2011 मध्ये लंडनमध्ये झाली होती, जिथे ती समकालीन नृत्य शिकण्यासाठी गेली होती. बॉलीवूड हंगामाला दिलेल्या मुलाखतीत राधिका आपटेने सांगितले होते की, दोघेही दीर्घकाळापासून रिलेशनशिपमध्ये होते. मात्र, व्हिसाच्या समस्यांमुळे त्यांच्या भेटीत खूप अडचण निर्माण झाली, त्यामुळे त्यांनी एकमेकांशी लग्न केले. गेल्या 12 वर्षांपासून हे दोघेही लॉंग डिस्टन्स मॅरेज मध्ये आहेत.
राधिका आई होणार आहे
अलीकडेच, राधिक आपटेने बीएफआय लंडन फिल्म फेस्टिव्हल २०२४ च्या रेड कार्पेटवर तिचा बेबी बंप फ्लाँट करताना तिच्या गरोदरपणाची घोषणा केली. सिस्टर मिडनाईट या तिच्या आगामी चित्रपटाच्या प्रीमियरसाठी तिने कार्यक्रमाला हजेरी लावली होती.
