अभिनेत्री शर्वरी वाघ चित्रपट, टीव्ही शो म्हणून प्रसिद्ध झालेली अभिनेत्री आहे. अलीकडेच ‘मुंज्या’ चित्रपटासाठी शर्वरीला IMDb “ब्रेकआउट स्टार” स्टारमीटर पुरस्कार प्रदान करण्यात आला आहे. आयएमडीबी ॲपवरील लोकप्रिय भारतीय सेलिब्रिटींच्या यादीत दमदार कामगिरी करणाऱ्या स्टार्सना हा पुरस्कार दिला जातो. ही यादी जगभरातील IMDb ला 250 दशलक्षाहून अधिक मासिक अभ्यागतांची पृष्ठ दृश्ये दर्शवते आणि यामधून हे सिद्ध झाले आहे की जे तारे करिअरचा एक महत्त्वपूर्ण क्षण असणार आहेत त्याचा या यादीमध्ये समावेश असतो. एका खास IMDb ‘स्पीड डेटिंग’ सेगमेंटमध्ये, शर्वरीने तिच्या आवडता हॉलिडे, ती वारंवार पाहू शकणारा चित्रपट, तिचं प्राईज्ड पझेशन यावर चर्चा केली.
शर्वरीला तिच्या आवडत्या हॉलिडेबद्दल विचारले असता, तिने गणेश चतुर्थी या सणाबद्दलचे तिचे प्रेम व्यक्त केले आणि सांगितले की, “साधारणपणे माझी आवडती सुट्टी गणेश चतुर्थी आहे. मला माझ्या मूळ गावी, मोरगावला जायला खूप आवडतं. माझ्या कामातून मला मिळालेली ही सर्वोत्तम वेळ आहे आणि मला ते ठिकाण खूप आवडते. मग काहीही असो, दरवर्षी मी गणेश चतुर्थीच्या वेळी वेळ काढून गावी जाते, आणि ही आतापर्यंतची सर्वोत्तम सुट्टी आहे. आमच्या तिथे एक वाडा आहे आणि तो जवळपास १०० वर्षांहून जुना आहे. मला असे वाटते की शुभ प्रसंगी कुटुंब एकत्र आल्यावर खूप आनंद मिळतो, त्यामुळे माझे हे वर्ष तिथेच सुरू होते आणि तिथेच संपते. हा वेळ माझ्या खूप जवळचा आणि माझ्यासाठी खूप प्रिय आहे” असे तिने या मुलाखतीत सांगितले.
कोणता चित्रपट ती कधीही पुन्हा पाहू शकते असे विचारले असता शर्वरी म्हणाली, “मला जोधा अकबर हा चित्रपट खूप आवडतो. मला त्या चित्रपटाचं वेड लागले आहे. मला वाटते की मी ते कधीही पुन्हा पाहू शकते. मला त्यातील संवाद पाठ आहेत. मला वेशभूषा, सेट आणि अर्थातच जोधा अकबरच्या सेटवरील प्रत्येक गोष्ट अडवली आहे. पण मी म्हणेन की ऐश्वर्या राय बच्चन मॅडम ने साकारलेलं पात्र माझं आवडतं आहे.” असं ती या चित्रपटाबद्दल म्हणाली.
तिच्या प्राईझ्ड पझेशन बोलताना आणि तिच्या कारकिर्दीच्या सुरुवातीच्या आठवणींना उजाळा देताना शर्वरी म्हणाली, “जेव्हा मी सहाय्यक दिग्दर्शक होते, तेव्हा मला माझा पहिला पगार मिळाला आणि मला आठवते की माझ्या आई-वडिलांनी तो चेक फ्रेम केला आणि त्याखाली एक गोड नोट लिहिली. आणि हे माझ्यासाठी खूप मौल्यवान आठवण आहे जी अजूनही मी जपून ठेवली आहे.” असे तिने या आठवणीबद्दल सांगितले.
हे देखील वाचा- IMDb च्या लोकप्रिय भारतीय सेलिब्रिटींच्या यादीत शर्वरीने पटकावले प्रथम स्थान!
शर्वरी वाघ बॉलीवूड इंडस्ट्रीमधील अत्यंत आघाडीची अभिनेत्री आहे. ती नेहमीच प्रेक्षकांचे मनोरंजन करत असते. अभिनेत्रीचा अभिनय तिची त्यामागची मेहनत हे पाहून चाहत्यांना तिचे कौतुक वाटते. ‘मुंज्या’ चित्रपटाच्या यशानंतर अभिनेत्री सतत चर्चेत आहेत. तिचा चाहता वर्ग देखील जास्त आहे. आता याचदरम्यान शर्वरी तिचे नवनवीन चित्रपट घेऊन लवकरच प्रेक्षकांच्या भेटीस पुन्हा येणार आहे.
