I Popstar च्या प्री फिनालेमध्ये पहिलावहिला इंडियन आयडॉल अभिजीत सावंतच्या एव्हरग्रीन गाण्याची जादू!

सध्या I Popstar ची प्रचंड क्रेझ आहे. मराठमोळ्या रोहित राऊत आणि राधिका भिडेने या शो मधून आपला ठसा उमटवला आहे आणि या कार्यक्रमात पहिलावहिला इंडियन आयडल अभिजित सावंतदेखील गाताना दिसणार आहे.

• I Popstar मध्ये अभिजित सावंतची जादू 
• GenZ शो साठी ‘मोहब्बतें’ चा एक नवीन ट्विस्ट 
• अभिजित सावंतची कमाल

सध्या सोशल मीडिया वर चर्चेत असलेला गाण्याचा अग्रगण्य शो आय पॉपस्टार! राधिका भिडे, रोहित राऊत यांच्यासारख्या मराठमोळ्या गायकांच्या सोबतीने अनेक दर्जेदार गायकांची जुगलबंदी या कार्यक्रमात अनुभवयाला मिळते आहे आणि कमालीची क्रेझ तरूणाईमध्ये दिसून येत आहे. इतकंच नाही तर या शो ची प्रचंड चर्चाही दिसून येत आहे. या शोच्या प्री फिनालेसाठी गायक अभिजीत सावंतदेखील या कार्यक्रमाचा भाग होताना दिसला आहे. 

एव्हरग्रीन ट्रेंडसेटर गायक म्हणून ज्याने संपूर्ण जगाला अभिजितच्या आवाजाने वेड लावलं आणि आजही त्याची गाणी तितकीच क्रेझी ठरतात. गेले अनेक वर्ष मनावर राज्य करणाऱ्या अभिजितनेही या शो मध्ये कमालीची रंगत आणली आहे. इंडियन आयडॉलचा पहिला विजेता ठरलेल्या अभिजीत ने आय पॉपस्टारमध्ये त्याच्या ” मोहब्बते लुटाऊंगा ” सारख्या सदाबहार गाण्याने प्रेक्षकांना पुन्हा एकदा मोहीत केलं आहे. 

‘मोहब्बते लुटाऊंगा’ पुन्हा ट्रेंड

सोशल मीडिया वर अभिजीतच मोहब्बत लुटाऊंगा गाणं पुन्हा एकदा ट्रेंड करताना दिसतय. आय पॉपस्टार मधला अभिजीतचा या गाण्याचा व्हिडिओ सध्या सोशल मीडिया वर तुफान व्हायरल होत असून प्रेक्षकांच्या कॉमेंट्स ने देखील सगळ्यांचं लक्ष वेधून घेतलं आहे. 

कोण आहे Radhika Bhide? जिचा नावाचा हिंदी रिॲलिटी शोमध्ये डंका, एका व्हायरल गाण्यामुळे वाढले फॉलोअर्स

काय म्हणाला अभिजित

आय पॉपस्टारच्या प्री फिनाले बद्दल बोलताना अभिजीत सांगतो ” आय पॉपस्टार सारख्या शोमध्ये पाहुणा गायक म्हणून जाण्याची संधी मला मिळाली आणि हा एक संपूर्ण अनुभव सुंदर सोहळा होता एक कमाल अनुभूती देऊन जाणारा हा शाळा अनुभव होता. आय पॉपस्टारसारखा शो आताच्या काळात मूळ संगीताला प्रोत्साहन देणारा एक म्युज़िकल कॉम्पिटिशन शो असून अनेक प्रतिभावान तरुण म्युझिशन्स (फक्त सिंगर्स नाही) पाहून मला खूप आनंद झाला. त्यांचं गीतलेखन, गाण्यांची प्रेझेंटेशन, म्युझिक सगळंच खूप अप्रतिम होत. 

इंडी म्युझिकचे मोठे स्टार्स असलेले माझे कलाकार गायक मित्र पर्मिश, आदित्य, किंग आणि आस्था त्यांना मेंटर म्हणून साथ देत आहेत हीदेखील मोठी गोष्ट आहे. इंडियन आयडॉल नंतर मला कायम अशा स्टेजवर उभं रहायचं होतं जे आजच्या ओरिजिनल म्युझिकला प्रेक्षकांसमोर घेऊन येतं राहतील आणि आय पॉपस्टार हे काम उत्तमरीत्या करत आहे. या निमित्तानं मला ‘मोहब्बतें लुटाऊंगा’ पुन्हा एकदा परफॉर्म करण्याची संधीही मिळाली पण यावेळी एक ट्विस्ट होता कारण हा GenZ शो असल्यामुळे मी ‘मोहब्बतें’चा एक नवीन, वेगळा व्हर्जन तयार करून सदर केलं आणि ते व्हायरलही झालं” 

२० वर्षानंतरही गाण्याची जादू

२०२५ या वर्षात अभिजीत सावंत गायन इंडस्ट्रीत २० वर्ष पूर्ण करत असताना त्याचा क्लासिक ओल्ड गाण्याचं हे ट्विस्ट असलेलं मोहब्बतें प्रेक्षकांना अनुभवता आलं याहून मोठी गोष्ट काय असणार ! येणाऱ्या काळात अभिजीत अनेक नवनवीन प्रोजेक्ट्स करणार असून लवकरच तो एका नव्या कोऱ्या प्रोजेक्टमध्ये दिसणार आहे.

गायक अभिजीत सावंतची भाऊबीज! बहिणीसोबतचे शेअर केले सोनेरी क्षण