Gaadi Number 1760 Teaser: पैशाने भरलेली बॅग कुठे ? ‘गाडी नंबर १७६०’ रहस्य आणि विनोदी टीझर रिलीज; लवकरच उलगडणार रहस्य

मराठी चित्रपटसृष्टीत धमाकेदार रहस्य आणि विनोदाची मेजवानी घेऊन येणाऱ्या ‘गाडी नंबर १७६०’ या चित्रपटाचा बहुप्रतीक्षित टीझर प्रेक्षकांच्या भेटीला आला आहे. टीझर पाहून एकच प्रश्न सगळ्यांना पडला आहे, तो म्हणजे बॅग कुठे आहे?

मराठी चित्रपटसृष्टीत धमाकेदार रहस्य आणि विनोदाची मेजवानी घेऊन येणाऱ्या ‘गाडी नंबर १७६०’ या चित्रपटाचा बहुप्रतीक्षित टीझर प्रेक्षकांच्या भेटीला आला आहे. टीझर पाहून एकच प्रश्न सगळ्यांना पडला आहे, तो म्हणजे बॅग कुठे आहे? टीझरमध्ये एका काळ्या बॅगेभोवती फिरणारी गोष्ट उलगडताना दिसतेय. सुरुवातीलाच दाखवलेली पैशांनी भरलेली बॅग गायब होते आणि तिथून सुरू होतो रहस्याने भरलेला व विनोदाने सजलेला प्रवास. या बॅगेच्या शोधात अनेक जण एकमेकांवर संशय घेताना, गोंधळात अडकताना दिसत आहेत. त्यामुळे एकीकडे रहस्य वाढतेय, तर दुसरीकडे संवाद आणि प्रसंगांमधून विनोदही प्रेक्षकांना खिळवून ठेवतोय. ही बॅग नेमकी कुठे गेली, हे ४ जुलैला चित्रपटगृहात पाहायला मिळेल.

‘इबलिस’ कार्टी करणार रुपेरी पडद्यावर कल्ला, चित्रपटाच्या पोस्टरने वेधलं लक्ष

या चित्रपटात प्रथमेश परब, शुभंकर तावडे, प्रियदर्शिनी इंदलकर, सुहास जोशी, प्रसाद खांडेकर, श्रीकांत यादव आणि शशांक शेंडे यांसारखे उत्तम कलाकार पाहायला मिळणार असून प्रत्येक पात्राकडे एक गूढ बाजू आहे आणि ती पडद्यावर उलगडताना या कलाकारांचा अभिनय चित्रपटाला अधिकच मनोरंजक बनवतो.

दिग्दर्शक योगिराज संजय गायकवाड म्हणतात, “ ‘गाडी नंबर १७६०’ चित्रपटात प्रेक्षकांना एक मजेशीर गोंधळ पाहायला मिळणार आहे, जो प्रेक्षकांना खिळवून ठेवेल. प्रत्येक वळणावर एक नवा ट्विस्ट पाहायला मिळेल. ही विनोदी रहस्यमय कथा प्रेक्षकांचे नक्कीच मनोरंजन करेल. टीझरला प्रेक्षकांचा प्रतिसाद पाहून चित्रपटाला ही असाच प्रतिसाद मिळेल अशी आशा करतो.”

प्रेमाच्या नाजूक भावना टिपणारं ‘रात सजनाची’ रिलीज, ‘सजना’ चित्रपटातील रोमँटिक गाणं तुम्ही ऐकलंत का ?

निर्माते कैलाश सोराडी म्हणतात, “ मराठी प्रेक्षकांसाठी कॉमेडी, मिस्ट्री, ड्रामा, सस्पेन्स असा मनोरंजनाचे पॅकेज असलेला ‘गाडी नंबर १७६०’ चित्रपट घेऊन आलो आहोत. चित्रपटाला एकापेक्षाएक उत्तम कलाकार लाभल्यामुळे चित्रपटाची कथा यांच्या अभिनयाने अजूनच रंगली आहे. या चित्रपटाने प्रेक्षकांचे भरभरून मनोरंजन होईल, याची मला खात्री आहे.”

तन्वी फिल्म्स प्रस्तुत या चित्रपटाचे निर्माते कैलाश सोराडी आणि विमला सोराडी आहेत, तर लेखन आणि दिग्दर्शनाची धुरा योगिराज संजय गायकवाड यांनी सांभाळली आहे. येत्या ४ जुलै रोजी हा चित्रपट प्रदर्शित होणार आहे.