‘जो हिंदू हित की बात करेगा, वही देशपर राज करेगा!’ “धर्मवीर – २” चा धडाकेबाज नवा ट्रेलर लाँच!

मराठी आगामी चित्रपट "धर्मवीर - २" काही कारणास्तव याचे प्रदर्शन लांबवण्यात आले होते. आता हा चित्रपट २७ सप्टेंबरला चित्रपटगृहात प्रदर्शित होणार असून, या चित्रपटाचा नवा ट्रेलर देखील लाँच करण्यात आला आहे. 'धर्मवीर' या चित्रपटाच्या यशानंतर आता चाहते 'धर्मवीर - २" या चित्रपटाची आतुरतेने वाट पाहत आहेत.

(फोटो सौजन्य- इंस्टाग्राम)

Follow Us:

Follow Us:

‘जो हिंदू हित की बात करेगा, वही देशपर राज करेगा’ अशी थेट आणि स्पष्ट गर्जना करणारे धर्मवीर आनंद दिघे साहेबांच्या व्यक्तिमत्त्वाचे पदर “धर्मवीर – २” या चित्रपटात उलगडणार आहेत. या चित्रपटाच्या ट्रेलरमुळे अंगावर अक्षरशः काटा येत असून २७ सप्टेंबरला “धर्मवीर – २” प्रदर्शित होण्याची प्रचंड उत्सुकता निर्माण झाली आहे. “धर्मवीर -२” या चित्रपटाची निर्मिती झी स्टुडिओज आणि साहील मोशन आर्ट्स या निर्मिती संस्थेचे उमेश कुमार बन्सल आणि मंगेश देसाई यांनी केली आहे. तर लेखन आणि दिग्दर्शनाची जबाबदारी प्रवीण तरडे यांनी निभावली आहे. प्रसाद ओक, क्षितीश दाते यांच्या या चित्रपटात प्रमुख मुख्यभूमीकेत दिसणार असून, प्रेक्षक त्यांना पाहण्यासाठी आतुर आहेत.

चित्रपटाच्या या पूर्वी प्रदर्शित केलेल्या टीजर आणि ट्रेलरला तुफान प्रतिसाद मिळाला आहे. चित्रपटाची गाणीही गाजत आहेत. त्यानंतर आता आणखी एक नवा ट्रेलर लाँच करण्यात आला आहे. ट्रेलरला प्रेक्षकांकडून तुफान प्रतिसाद मिळत असून हा चित्रपट मराठी आणि हिंदी या दोन भाषांमध्ये देशभरात प्रदर्शित केला जाणार आहे. संगीतकार चिनार महेश आणि अविनाश विश्वजित यांनी “धर्मवीर -२” मधील गाण्यांचं संगीत दिग्दर्शन केले आहे. या चित्रपटातील गाणी देखील चाहत्यांमध्ये वाजू लागली आहेत. तसेच नुकताच रिलीज झालेले ट्रेलर देखील प्रेक्षकांमध्ये चर्चेचा विषय बनला आहे.

हे देखील वाचा- शाहरुख खान-सुहाना खानचा ‘किंग’ लवकरच होणार रिलीज, चित्रपटाचे शूटिंग शेड्यूल आले समोर!

नव्या ट्रेलरमधून दिघेसाहेबांची विविध रुपं दाखवण्यात आली आहेत. सर्वसामान्यांसाठी झटणारे, अन्याय रोखणारे, महिलांना न्याय मिळवून देणारे, धर्मासाठी लढणारे दिघेसाहेब या गाण्यात दिसतात. त्याशिवाय हिंदुत्त्वाची गोष्ट या चित्रपटामध्ये उलगडण्यात आली आहे. त्यामुळे हिंदुत्त्वाविषयी थेट आणि आक्रमक भूमिका घेणारे साहेब यात दिसून येत आहेत. म्हणूनच आता चित्रपटात काय कथानक उलगडणार याच कुतुहल निर्माण झाले आहे. आणि हा चित्रपट पाहण्यासाठी चाहत्यांमधील उत्कंठता वाढत आहे.

Web Title: Dharmaveer 2 trailer launch prasad oak in as dharmaveer anand dighe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com