शाहरुख खान-सुहाना खानचा ‘किंग’ लवकरच होणार रिलीज, चित्रपटाचे शूटिंग शेड्यूल आले समोर!

King Update: बॉलीवूड अभिनेता शाहरुख खानच्या आगामी 'किंग' चित्रपटाची रिलीज डेट समोर आली असून त्यासोबतच चित्रपटाच्या शूटिंग शेड्यूलशी संबंधित माहिती देखील मिळली आहे. 'किंग' हा चित्रपट लवकरच प्रेक्षकांच्या समोर येणार असून, या चित्रपटामध्ये बॉलीवूड स्टार शाहरुख खान आणि त्याची मुलगी सुहाना खान या चित्रपटामध्ये झळकणार आहे. सुहाना खानचा हा बॉलीवूडमधील पहिला चित्रपट आहे.

(फोटो सौजन्य- Social Media)

Follow Us:

Follow Us:

2023 मध्ये ‘पठाण’, ‘जवान’ आणि ‘डिंकी’ या तीन चित्रपटाच्या यशानंतर आता अभिनेता शाहरुख खान लवकरच ‘किंग’ चित्रपटात दिसणार आहे. या चित्रपटात शाहरुख खानसोबत मुलगी सुहाना खानही मुख्य भूमिकेत दिसणार आहे. सुजॉय घोष दिग्दर्शित या चित्रपटात अभिनेता अभिषेक बच्चन नकारात्मक भूमिकेत दिसणार आहे. शाहरुख खानच्या या चित्रपटाची चर्चा अनेक दिवसांपासून सुरू आहे. पण आता नुकतेच ‘किंग’शी संबंधित एक मोठे अपडेट समोर आले आहे. खरं तर, अलीकडेच चित्रपटाची रिलीज डेट आणि शूटिंग शेड्यूल देखील समोर आले आहे.

कधी रिलीज होणार शाहरुखचा ‘किंग’ चित्रपट ?
बॉलीवूड हंगामातील एका अहवालानुसार, सुजॉय घोष दिग्दर्शित करत असलेल्या या चित्रपटाचे शूटिंग जानेवारी 2025 पासून दोन शेड्यूलमध्ये केले जाणार आहे. याशिवाय या ॲक्शन थ्रिलर चित्रपट ‘किंग’चा सेट खूप मोठा असणार असल्याचेही सांगण्यात येत आहे. शाहरुख खानचा ‘किंग’ 2026 मध्ये रिलीज करण्याचा निर्मात्यांनी विचार केला आहे. या चित्रपटात वडील-मुलगी म्हणजेच शाहरुख खान आणि सुहान खान पहिल्यांदाच मोठ्या पडद्यावर एकत्र काम करताना दिसणार आहेत. तसेच, शाहरुख खानच्या रेड चिलीज एंटरटेनमेंटसोबत ‘किंग’ चित्रपटाची निर्मिती सिद्धार्थ आनंदने केली आहे.

हे देखील वाचा- ‘दोन बरगड्या तुटल्या आहेत’, गंभीर दुखापतीबाबत सलमान खानने पहिल्यांदाच सोडले मौन!

अभिनेता ‘किंग’मध्ये गँगस्टरच्या भूमिकेत दिसणार
मीडिया रिपोर्ट्सनुसार, शाहरुख खानने एका मुलाखतीदरम्यान माहिती दिली होती की, सुजॉय घोष निर्मित ‘किंग’ चित्रपटात तो एका गँगस्टरची भूमिका साकारणार आहे. या चित्रपटात ‘मुंज्या’ अभिनेता अभय वर्माही मुख्य भूमिकेत दिसणार आहे. काही रिपोर्ट्समध्ये असाही दावा केला जात आहे की, अभय वर्मा ‘किंग’मध्ये सुहानासोबत रोमान्स करताना दिसणार आहे. मात्र, या बातम्यांना अद्याप अधिकृत दुजोरा मिळालेला नाही. अशा परिस्थितीत शाहरुख खान, अभिषेक बच्चन आणि सुहाना खान यांचा हा चित्रपट बॉक्स ऑफिसवर काय वादळ आणतो हे पाहणे उत्सुकतेचे ठरणार आहे.

Web Title: Shah rukh khan suhana khan starrer king movie will be released soon

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com