‘नवरा माझा नवसाचा’ या चित्रपटाने प्रेक्षकांना वेडे केले होते. या चित्रपटातील कथा, संवाद आणि कलाकारांचा अभिनयाने प्रेक्षकांचे भरपूर मनोरंजन केले होते. या चित्रपटातील कॉमेडी पाहून चाहते खळखळून हसले. प्रत्येक कलाकारांनी या चित्रपटामध्ये आपली भूमिका उत्कृष्ट बजावली होती. तर एसटीमधल्या सगळ्याकलाकारांनी प्रेक्षकांना भरपूर हसवले. या चित्रपटामध्ये सगळ्यात महत्वाची गोष्ट म्हणजे प्रेक्षकांना सचिन पिळगांवकर आणि अशोक सराफ यांची केमिस्ट्री पाहायला मिळाली होती. आता याच दरम्यान ‘नवरा माझा नवसाचा २’ या चित्रपटातील देखील गंमती जमती पाहण्यासाठी चाहते आतुर आहेत.
‘नवरा माझा नवसाचा’ या चित्रपटाच्या यशानंतर खूप वर्ष प्रेक्षकांनी ‘नवरा माझा नवसाचा २’ या चित्रपटाची वाट पहिली आहे. अखेर त्यांची ही प्रार्थना देवाने ऐकली अजून या चित्रपटाची रिलीज डेट उद्या प्रेक्षकांच्या भेटीला येणार आहे. अभिनेता आणि दिग्दर्शक सचिन पिळगांवकर यांनी या चित्रपटाची सोशल मीडियावर घोषणा केली आहे. या चित्रपटातील नवी कथा, कलाकार आणि अशोक मामा याना पाहण्यासाठी प्रेक्षक आतुर झाले आहेत. या चित्रपटामध्ये सचिन पिळगांवकर, सुप्रिया पिळगांवकर यांच्या सोबत स्वप्नील जोशी आणि हेमल इंगळे मुख्यभूमीकेत दिसणार आहेत. जेव्हा चित्रपटाची घोषणा करण्यात आली होती तेव्हा या चित्रपटामध्ये अशोक सराफ नाहीत अशी बातमी समोर आली होती. परंतु आता ते स्वतः या चित्रपटाचा लुक समोर घेऊन आले आहेत.
View this post on Instagram
सचिन पिळगांवकर आणि अशोक सराफ यांनी त्यांच्या चाहत्यांसाठी एक सुंदर आणि चमत्कारी रील शेअर केली आहे. ज्यामध्ये अशोक मामा आधी खेडे रेल्वे स्टेशनवर दिसत आहेत. तसेच त्यांनी ‘नवरा माझा नवसाचा’ मधील पोशाख परिधान केला आहे. आणि त्यानंतर ते रील मध्ये पुढे चालत येताना त्यांचा पोशाख बददलतो आणि ते निळा कोर्ट आकाशी शर्ट आणि गळ्यात आयडी या वेशात समोर येत आहेत. ते जिथे उभे आहेत त्याच्या मागे तिकीट निरीक्षण कार्यालय देखील दिसत आहे. एकूणच ‘नवरा माझा नवसाचा २’ मध्ये अशोक सराफ कंडक्टर नाही तर टीसीच्या भूमिकेत दिसणार आहे. या चित्रपटाटाचे रेल्वेतील प्रवासात चित्रीकरण करण्यात आले आहे. तसेच या चित्रपटाची डेट उद्या म्हणजेच २० जुलैला जाहीर करण्यात येणार आहे.
