वाढलेले वजन कमी करण्यासाठी आहारात वेगवेगळ्या पेयांचे सेवन केले जाते. त्यातील अतिशय गुणकारी पेय म्हणजे चिया सीड्सचे पाणी. या पाण्याच्या सेवनामुळे शरीरात साचून राहिलेली घाण बाहेर पडून जाते आणि शरीर आतून स्वच्छ होते. चिया सीड्समध्ये ओमेगा-३ फॅटी ऍसिड, फायबर, प्रथिने, कॅल्शियम आणि अँटिऑक्सिडंट्स इत्यादी अनेक घटक मोठ्या प्रमाणावर आढळून येतात. त्यामुळे वाढलेले वजन कमी करताना हानिकारक सप्लिमेंट्सचे सेवन करण्याऐवजी चिया सीड्सच्या पाण्याचे सेवन करावे. चला तर जाणून घ्या रिकाम्या पोटी चिया सीड्सच्या पाण्याचे सेवन केल्यामुळे शरीराला होणारे फायदे. (फोटो सौजन्य – istock)
सकाळी उठल्यानंतर उपाशी पोटी नियमित करा चिया सीड्सच्या पाण्याचे सेवन
तिखट तेलकट पदार्थांचे सेवन करून शरीराची बिघडलेली पचनक्रिया सुधरण्यासाठी चिया सीड्सच्या पाण्याचे सेवन करावे. यामुळे गॅस, ऍसिडिटी, अपचन आणि पोटाच्या सर्व समस्यांपासून आराम मिळेल.
चिया सीड्सचे पाणी बनवण्यासाठी एक ग्लास पाण्यात चिया सीड्स टाकून रात्रभर किंवा १ तास भिजत ठेवा. त्यानंतर सकाळी पाण्यात लिंबाचा रस मिक्स करून सेवन करावे. यामुळे शरीराला अनेक फायदे होतील.
वाढलेले वजन करण्यासाठी सकाळी उठल्यानंतर चिया सीड्सच्या पाण्याचे सेवन करावे. या पाण्याचे सेवन केल्यामुळे वारंवार भूक लागत नाही आणि पोट जास्त वेळ भरलेले राहते.
चिया सीड्समध्ये कॅल्शियम, फॉस्फरस आणि मॅग्नेशियम मोठ्या प्रमाणावर आढळून येते, ज्यामुळे हाडे निरोगी आणि मजबूत राहतात. हाडांची ताकद टिकून ठेवण्यासाठी चिया सीड्सच्या पाण्याचे सेवन करावे.
हृदयाच्या आरोग्यासाठी चिया सीड्स अतिशय प्रभावी ठरतात. यामुळे शरीरात वाढलेले कोलेस्ट्रॉल नियंत्रणात राहण्यास मदत होते आणि हृदयाला अनेक फायदे होतात.
