आजकाल अशा अनेक गोष्टींचा आहारात समावेश केला जातो, ज्यामुळे आरोग्य सुधारण्यासोबतच चवीचीही काळजी घेतली जाते. आवळा हा त्यापैकी एक आहे. याला इंडियन गुसबेरी असेही म्हणतात, हा हिवाळ्यातील एक सुपरफूड आहे. आवळा हा अनेक पोषक तत्वांनी समृद्ध आहे, त्यांना आहारात समाविष्ट केल्याने केवळ फायदे मिळत नाहीत तर अनेक समस्यांपासून आराम देखील मिळतो. यामध्ये असलेले व्हिटॅमिन सी आरोग्यासाठी अनेक प्रकारे फायदेशीर आहे. चला आवळा आहारात समावीष्ट केल्याने कोणते फायदे होईल त्याबद्दल जाणून घेऊया.
आवळ्याचे गुणकारी फायदे (फोटो सौजन्य: iStock)
कोलेस्टेरॉल लेव्हलमध्ये सुधार: जर तुम्ही तुमच्या आहारात दररोज आवळा समाविष्ट केला तर ते कोलेस्टेरॉलची पातळी नियंत्रित करण्यास मदत करते. तसेच हृदयरोग आणि स्ट्रोकचा धोका कमी होतो.
पचनक्रिया अधिक चांगली होते: हिवाळ्यात अनेकांना अपचन किंवा बद्धकोष्ठता यासारख्या पचनाच्या समस्यांना तोंड द्यावे लागते. या ऋतूत असे घडते कारण आपण थंडीच्या ऋतूमध्ये जड आणि गरम अन्न खातो. आवळा आतड्यांचे आरोग्य सुधारून तुम्हाला मदत करते.
वेट मॅनेजमेंट: हिवाळा हा ऋतू अन्नाच्या बाबतीत खूप चांगला मानला जातो. यामुळे, या काळात वजन वाढणे ही एक सामान्य समस्या आहे. अशा परिस्थितीत, आवळा तुमचे वजन नियंत्रित करण्यास मदत करू शकतो.
रोगप्रतिकारक शक्ती वाढते: आवळा व्हिटॅमिन सी आणि अँटीऑक्सिडंट्सने समृद्ध आहे, जे तुमची एकूण रोगप्रतिकारक शक्ती वाढवते. तसेच सर्दी आणि खोकला सारख्या हंगामी संसर्गांशी लढण्यास मदत करते.
त्वचेसाठी चांगले: आरोग्यासोबतच आवळा त्वचेसाठीही खूप फायदेशीर आहे. विशेषतः हिवाळ्यात जेव्हा थंड वाऱ्यांमुळे त्वचा कोरडी होते.
