चवीला आंबट गोड असलेली ब्लूबेरीज सगळ्यांना खूप आवडते. हे फळ आरोग्याच्या दृष्टीने अतिशय पौष्टीक आहे. त्यामुळे तुम्ही दैनंदिन आहारात ब्लूबेरीचे सेवन करू शकता. ब्लूबेरीजमध्ये विटामिन सी मुबलक प्रमाणात आढळून येते, ज्यामुळे त्वचेला अनेक फायदे होतात. शिवाय यामध्ये पोटॅशियम, मँगनीज, फायबर आणि बरेच अँटिऑक्सिडंट्स आढळून येतात, ज्याचा शरीराला फायदा होतो. किमतीने महाग असलेले ब्लूबेरी आरोग्याच्या दृष्टीने अतिशय प्रभावी आहेत. आज आम्ही तुम्हाला ब्लूबेरीज खाल्यामुळे आरोग्याला नेमके काय फायदे होतात, याबद्दल सांगणार आहोत. चला तर जाणून घेऊया.(फोटो सौजन्य-istock)
ब्लूबेरीज खाल्याने शरीराला होणारे फायदे
विटामिन सी युक्त ब्लूबेरीजचे सेवन केल्यामुळे त्वचेची गुणवत्ता सुधारण्यास मदत होते. शिवाय पिंपल्स, डाग, मुरुमांचे डाग निघून जाण्यास मदत होते. त्यामुळे आहारातब्लूबेरीजचा समावेश करावा.
शरीरातील साखरेची पातळी वाढू नये म्हणून ब्लूबेरीज खावीत. नैसर्गिक गोडवा असलेल्ल्या फळाचे सेवन केल्यामुळे आरोग्य निरोगी राहते. शिवाय यापासून तुम्ही ज्युस, केक आणि इतर पदार्थ बनवू शकता.
अँटिऑक्सिडंट्स युक्त ब्लूबेरीजचे सेवन केल्यामुळे शरीराचे फ्री रॅडिकल्स नियंत्रणात राहते. शिवाय मधुमेह, कर्करोग आणि इतर आजारांपासून नुकसान होत नाही.
किमतीने महाग असलेल्या ब्लूबेरीजमध्ये अँथोसायनिन्ससारखे पोषक घटक आढळून येतात, ज्यामुळे मेंदूच्या पेशींना आवश्यक असलेले पोषक घटक मिळतात.
हृदयाच्या निरोगी आरोग्यासाठी आहारात ब्लूबेरीचे सेवन करावे. यामुळे शरीरात वाढलेली कोलेस्ट्रॉलची पातळी नियंत्रणात राहण्यास मदत होते.
