सणाच्या दिवशी सर्वच महिला सुंदर साडी, मेकअप आणि केसांमध्ये मोगऱ्याचा गजरा माळून तयार होतात. घरातील कार्यक्रम किंवा इतर कोणत्याही सोहळ्यांमध्ये पैठणी साडी अतिशय आवडीने नेसली जाते. महाराष्ट्राचे महावस्त्र म्हणून पैठणी साडीची ओळख आहे. पूर्वीच्या काळी राजेशाही घराण्यातील स्त्रियांकडेच पैठणी साडी होती. मात्र हल्ली प्रत्येक महिलेच्या कपाटात एकतरी पैठणी साडी असतेच. म्हणूनच आज आम्ही तुम्हाला सणावाराच्या दिवसांमध्ये किंवा हळदी कुकूंच्या कार्यक्रमासाठी सेलिब्रिटी स्टाईलने पैठणी साडी नेसण्याच्या काही सोप्या टिप्स सांगणार आहोत. या पद्धतीने नेसलेली पैठणी साडी अतिशय उठावदार आणि सुंदर दिसेल. (फोटो सौजन्य: Pinterest)
सणावाराच्या दिवसांमध्ये सेलिब्रिटी स्टाईलने नेसा पैठणी साडी
पैठणी साडीवर लुक आणखीनच उठावदार दिसण्यासाठी तुम्ही साडीचा पदर हातांवर ठेवू शकता. यामुळे तुमचा लुक स्टयलिश आणि मराठमोळा दिसेल. पैठणी साडी अंगावर अतिशय चापून चोपून बसते.
सोन्याची जर असलेल्या पैठणी साडीवर आरी वर्क केलेले सुंदर ब्लाऊज सुंदर दिसेल. काहींना पदराच्या बारीक बारीक प्लेट काढायला खूप जास्त आवडतात. साडीवरील लुक पूर्ण करण्यासाठी गळ्यात एखादा मराठमोळा दागिना परिधान करावा.
पैठणी साडीवर कॉन्ट्रास्टरंगाचा ब्लाऊज अतिशय सुंदर दिसतो. लाल किंवा गुलाबी रंगाची पैठणी नेसल्यानंतर त्यावर तुम्ही हिरव्या किंवा जांभळ्या रंगाचा सुंदर नक्षीकाम केलेला ब्लाऊज घालू शकता.
अनेकांना स्लिव्हलेस ब्लाऊज घालायला खूप जास्त आवडतात. त्यामुळे कोणत्याही रंगाच्या पैठणी साडीवर तुम्ही स्लिव्हलेस ब्लाऊज घालू शकता. यामुळे तुमचा लुक स्टायलिश दिसेल.
घरातील सत्यनारायणाच्या पूजेसाठी तुम्ही पैठणी साडीची नऊवारी साडी नेसू शकता. हळदीकुंकू समारंभात उठून दिसण्यासाठी पैठणी साडीची नऊवारी साडी अतिशय सुंदर दिसेल.
